超強颱風樺加沙襲港，網上流出富麗敦海洋公園酒店大門玻璃，遭受到湧浪及海水倒灌侵襲而爆裂，情況似足災難片，嚇親網友。估唔到性感藝人袁嘉敏前日（23日）當日亦入住該酒店，並現場目擊樺加沙強勁威力。
袁嘉敏於Story連發多條酒店內外片段，見佢房間望出窗外大海情況，並表示：「嘩，啲浪好巨型，好似末日災難片咁，個堤壩係摧毀咗，好犀利呀！」並拍下樺加沙過境嘅真實情況。袁嘉敏指佢上星期預訂該酒店房打算喺附近拍攝索相，點知遇正颱風襲港，而佢所住嘅房間仲有一大塊落地玻璃窗兼對住海景，佢入住時亦有擔心是否安全。袁嘉敏指自己問過酒店職員，原來酒店之前遇上打風都曾試過被強風吹爆玻璃門，今次有加上木板去加固保護，惜最後仍被巨浪侵襲，大量海水夾雜樹枝、沙石沖破店門推翻椅桌，被沖倒嘅物件隨海流於店內翻騰飄流。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
