撇除一眾「TVB舊將」，其實也有令人熟悉的臉孔。有「美女玄學家」之稱的樂翊榆（Annalise）近日曝光率大增，曾任TVB《冲遊泰國》嘉賓主持的她，除任：《領廚爭霸戰》明星嘉賓之外，亦主持過《深圳地圖 1&2》、《一人一個美味故事》、《開運秘笈》及《好好生活在灣區》。
早前她亦參加了《樂迎國慶音樂會》，在台上演唱，同場還有謝雪心，可謂「瓣數多多」。她接受《香港01》訪問時，坦言是第一次公開演唱，心情既興奮又緊張。「感覺自己事業，最近有一個新嘅轉捩點，好似正式展開咗十年嘅大運。近來除咗主持工作之外，我仲好開心可以透過歌聲同大家交流。細細個我都參加過合唱團，所以嚴格嚟講，呢一次唔係我第一次上台唱歌。今次揀咗王菲嘅《如願》，亦都想祝大家喺國慶嘅日子一切如願。最近受邀請替澳門拍攝宣傳片，我心情亦都係開心又榮幸。我已經有六七年未踏足過澳門，發現近年除咗博彩業之外，仲有非常之多豐富精彩嘅文旅去處，實在令人驚喜。」
談到與謝雪心「同台演唱」，樂翊榆亦回答：「心姐喺我唱完歌之後先到場，所以佢聽唔到我唱歌呀。細細個就已經睇佢做戲，但係現場聽佢唱Live都係第一次！勁好聽呀！佢男聲女聲都咁唱得，仲識得搞氣氛！真係學到好多嘢！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
