甄采浠日前突發入院，令身邊人十分憂心，住院5日後出院，她表示：「多謝大家關心，覺得人間好有愛。病情方面想保留返少少私隱，另外醫生建議中西協作，嚟緊都搵緊適合嘅中醫希望對病情有幫助。」她又希望自己身體健康，「始終我隻貓都病緊，我都好希望好好Take Care佢同屋企人，身體健康先可以照顧到身邊人。」
張佳添今日（20/9）現身電視城出席《中年好聲音4》記者會，他說：「其實佢又唔係好嚴重，而佢都出咗院，身體狀況都改善咗，但確實咩病就未知，不過搵返佢本人交代返會好啲。（網民笑指你傷咗佢個心！）呢個好肯定唔關事，大家咁好想像力，我都得啖笑。（入院期間你有冇探佢？）我都有，係去探咗佢一次。」
對於鄧兆尊和吳家樂在網台就「膊頭之交」開咪寸爆他「冇腳雀仔」，張佳添表示：「其實我有聽人講，但就冇睇，我係有一個原則嘅人，所有YouTuber對本人嘅任何言論，我係唔回應嘅。（識唔識鄧兆尊？）我係唔識佢。（佢哋對你評價有冇唔開心？）冇唔開心，我日日都係咁開心，冇嘢係令我唔開心嘅。就算你而家對住我講粗口，又或者冚我兩巴掌，我都唔會唔開心。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|