藝人陳展鵬與劉佩玥（Moon）今日（27日）出席無綫新劇《巨塔之后》宣傳，兩人在劇中飾演青梅竹馬互生情愫，但最終未能開花結果。Moon指兩人近10年來已多次合作，展鵬笑言：「劇集由佢以前暗戀我，到依家我暗戀佢，睇住佢亭亭玉立，同其他演員親熱，有時我都唔識演要問番佢轉頭。」又大讚對方近年成熟不少，更看好她有機會獲獎。而Moon反讚展鵬經常提點自己，更視對方為哥哥、拍檔及老師，又大爆其好人好事：「佢好體貼，好多年前佢萬歲請大家食嘢，佢同我講你唔使夾錢，我幫你出埋，到你將來賺到錢先夾。」
提到Moon兩劇接連播出，她稱她在《俠醫》的角色極衰，跟她在《巨塔之后》中完全相反，感覺截然不同。另外，談到Moon與緋聞男友周志文近日被影到拍拖逛街，她強調並非拍拖，只是逛街：「好平常，我哋不時會一齊出街食嘢同玩，冇特別，我哋係好朋友。（話你哋發現被影到之後立即分開走？）我哋完全唔知畀人影，我唔介意畀人影，唔好咁近就可以，所以我哋冇刻意迴避。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|