男神陳家樂入行22年不斷蛻變，由偶像小生進化為人夫慈父，涉獵歌、影、視及網上4大界別。今年再度優化，他甘願犧性賺錢機會，為鑽研角色於幕前消失兩年，更考慮跟「城寨四子」之一的張文傑學武做打星，38歲的他仍「任性」，全因有兩大後台撐腰。
英皇藝人陳家樂夥拍岑麗香、栢天男等主演的HOY TV新劇《我愛九龍城》之前播出，日前家樂接受專訪，談及近幾年主力發展電影，但現又重返電視台拍劇，是否跟影壇陷寒冬期有關？他卻說：「最近都收到劇本，依家了解緊，又唔覺得冇晒電影工作，只係唔夠多啫，香港電影係唔會死嘅，只係大家想做得更好，唔會濫竽充數。」
對香港電影仍充滿信心的他，由電影《保持通話》開始，在影壇活躍了17年，參演逾40多部電影，由配角做到男主角，心中團火仍燒得熊熊的，他豪言謂：「有好嘅角色，真係願意付出我所有，可以喺觀眾見到我嘅世界消失兩年，就係因為想做好一個角色，係需要去沉澱或者鍛煉。」
獲老闆楊受成開綠燈
他坦言「停工」的想法有少許任性，但並非「有錢都唔賺」，只是覺得搵錢外，都希望追求藝術成就，又指老闆楊受成都相當支持：「有好老闆支持，公司畀好大自由度，唔同以前，唔太開心都要照做。（唔怕被觀眾淡忘？）公司同事會幫我把關」除獲老闆開綠燈成就理想外，他另一個「後台」則是全天候支持他的太太連詩雅，他放閃謂：「佢係無條件支持我，完全企喺我嗰邊，佢係我肚裏面條蟲，雖然佢分析力未必最強，但當我有嘢需要抉擇下，佢就會做嘢。」
問到是否已冇經濟壓力，所以可隨心所欲？他否認：「點會冇經濟壓力？只係人大咗，每個工作都想做到100分，之前我都試過同期開3組戲，嗰陣好大壓力，只做到80分，或者有啲前輩話愈多工作愈好，但我覺得唔係咁。」對作品力求完美，追求做到100分的他，現時都有返演技班，更打算拜張文傑為師學武，他說：「唔一定要做個好勁嘅打星，睇番以前啲動作戲，做得唔係咁好，學完唔係一定就接動作片，只係學打唔係兩個月就得，想自己有準備，或者40年後有用。」
談及今次跟HOY TV合作，之前曾為無綫拍劇的他被問到有何不同時，他指分別不大，因今趟合作的演員、幕後都是無綫出身；至於酬勞方面，他謂難作比較：「因為無綫係用騷錢計，譬如開3日工，剪接埋得一集就當一個騷計，但今次以電影方式計數，即係拍一日就收一日錢，如果單係以日計，HOY TV就高價啲。」
至於家樂的太太連詩雅去年誕下囡囡Camila，雖然她有翹埋雙手做少奶奶的本錢，但依然有事業心，努力發展其歌唱事業。日前她邀請歌手布志綸（Alan）擔任嘉賓，宣傳其歌曲《人生使用說明》。工作之餘，她亦愛跟好友聚會釋放工作減壓，適逢日前閨蜜生日，二人相約在情調一流的餐廳慶祝，盡情Girls Talk一晚。
更多新聞，請瀏覽東方日報網頁：
本文作轉載及備份之用 來源 source: http://hk.on.cc
|
鍾意就快D Share啦！
|
|
|