無綫戀綜《女神配對計劃》早前完滿結束，有「國民CP」之稱的葉蒨文與曾展望（GM），於節目中成功配對。由螢幕CP成為真正情侶，當中GM向女神連講3次「我愛你」，加上兩度上演霸總式世紀之吻，閃爆全世界！
節目雖已播完，但一對「新人」絕對未閃夠，葉蒨文昨日於社交網發文，感謝粉絲們送給二人的大型屏幕廣告祝福，她寫道：「粉絲們叫我哋做GPS我哋一聽到就好鍾意，因為我哋認為一段美好嘅關係喺成為彼此嘅人生導航，浪漫之旅雖已啟航，但未來仲有重重難關，希望無論遇到幾多困難同考驗，May we always find our way back to each other！」
她感謝由18個城市的GPS粉送給他們這份窩心的禮物，坦言從未想過二人的相戀，可以令生活在地球上不同角落的粉絲聯繫起來，她續説：「更加估唔到你哋對我哋咁堅定，喺8月大結局都未播嘅時候就已經下訂，多謝你哋嘅支持，希望我哋可以用共鳴同愛聯繫到更多人，將多啲正能量帶畀大家。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|