譚玉瑛接受《東張西望》電話訪問時，透露許紹雄給予她的感覺是一位顧家的人：「Benz雄好愛佢嘅家庭，佢好聽老婆話！多數都係佢老婆想點，佢都會盡量fulfill（滿足）成個家嘅要求，佢真係一個好盡責嘅典型中國男人，希望佢嘅家人可以慢慢平復心情。」
而麥長青接受《東張西望》電話訪問時聲音帶點沙啞：「Benz係一個好好嘅前輩、同事、師兄同埋朋友，因為佢真係一個好重情重義，好好嘅一個好朋友。總之依家所有關於佢嘅嘢，都充斥喺個腦裡面，好突然，同埋其實係幾難接受。」麥長青的對話間透露著對許紹雄的不捨。
《東張西望》亦播出1990年《K-100》的舊片，片中是汪明荃與許紹雄的訪問片段，片中講到為何許紹雄被稱「Benz雄」。除了因為他一入行就已經開Benz上下班外，原來亦因為他「孤寒」，雖然汪明荃指當年的收入只有數千元，但許紹雄仍然願意花逾千元供Benz。許紹雄解釋稱：「其實嗰隻叫『孤寒車』，如果你揸啲平啲車呢，開始係平，但係你十年要換幾架，等於仲衰過揸嗰啲名車。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|