MIRROR人氣王姜濤向來在香港扎根，絕對是港產之光！然而，其公司日前宣布將於12月18至21日在亞博舉行4場個人演唱會《KEUNG TO “LAVA” LIVE 2025》，日前公布更多購票細節。據悉，鏡粉會MIRO將可以優先認購，至於內地售票平台大麥，將於11月10日 (星期一) 中午12時進行公開發售，顯然大麥有份贊助今次姜濤演唱會，由於有內地背景滲入，令姜糖（粉絲暱稱）反應兩極！
不少姜糖留意，表明心迹，對於出現內地平台滲入演唱會，有人更揚言嬲爆表達不滿，揚言要脫粉，有粉絲暗寸其公司：「做Title Sponsor，紅過羅湖，姜姜應該揀咗過羅湖橋！」、「我唔嬲個仔，公司一早嬲咗，但我接受唔到有人會着婚紗睇姜哥演唱仲要叫老公！」、「如果MKV想試水溫，如果最後有團Job喺內地，我係絕對會脫粉！」
但亦有姜糖理智表示：「其實姜濤這二年多咗好多內地人知道佢，雖然好多人係因為黑粉宣傳而知道佢，但因為姜濤這二年訪問回應，一直都好真誠，所以內地人都轉而欣賞佢......佢開演唱會，佢公司多擺一個內地售票網，方便內地粉買飛，又唔係錯。」
早前開演唱會的消息公布後，更有疑似留學英國的姜糖發文稱：「其實對比一年見不到一次的感覺，我是覺得抱歉，抱歉我追了這麼久，卻不能見證着他的成長。我比誰都要想他，就說窮人不要迷上追星，看着朋友都回去，我自己出着錢、支持着、應援着，我卻還是沒能見上面！」料為無法負擔回港睇演唱會的機票錢。不過姜濤竟親自回覆留言指，「我請你來唄！」令到粉絲相當感動，更留言指：「我手好震……我……我愛你呀！」姜濤及後再向這名歌迷回覆指：「我說真的，你待會單獨訊息我，我看看怎樣安排！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|