黎瑞恩在訪問中坦言要結束一段投入了大量感情的關係，肯定是會傷心的，但她很快便調整好心態。她說：「人生是好短暫，幾十年，你唔開心又要過，開心又要過，點解唔開心啲呢？」她指自己現在生活忙碌，要照顧子女同時又要兼顧事業和朋友，時間根本不夠用，亦不想再婚，一切隨緣便好。黎瑞恩說：「人相遇係緣份嘅安排，亦都係上天嘅安排。即係呢個失去咗，我哋唔好太過……傷心一定有㗎啦，因為大家都投放咗好多感情，好多嘢喺裏面，但係其實呢個可能係一個小插曲。即係你好似搭巴士咁，我落咗車喇，我又上第二架車喇，係咁樣。」黎瑞恩又指前夫已經另有新家庭，她與前夫幾乎不再聯絡，亦不需要來往，她的子女見他們的父親便夠。
黎瑞恩離婚後，她的健康亦曾出現問題。黎瑞恩表示自己早年因情緒抑鬱，身體也響起警號。有一次她在超市購物時突然頭暈，送院檢查後發現胰臟有兩粒良性腫瘤。不過她當時選擇了逃避，直至八年後，一次腹部劇痛令她以為病情惡化，再次入院檢查那兩個瘤竟已消失了，只留下兩撻疤。醫生對黎瑞恩說，唯一的「藥方」就是保持心境開朗，指她的瘤是鬱出來的，叫她開心些。
本文作轉載及備份之用 來源 source: http://www.hk01.com
|
鍾意就快D Share啦！
|
|
|