港姐出身的陳楨怡雖然演出經驗只得4年多，但在現時播映的劇集《巨塔之后》演出大獲好評。劇中她要對父親鍾鎮濤粗言怒吼、潑酒，發揮「野蠻惡女」本色，她坦言拍攝時戰戰兢兢，幸好之前在內地拍劇時閉關向章子怡「偷師」，又到北京接受「軍訓式」演藝課程惡補演技，暗地苦戰多時，終於「升呢」獲睇好上位。
無綫小花陳楨怡於2020年參選港姐奪得亞軍後加盟無綫旗下，雖然之後被爆感情生活混亂，形象受挫，但之後她默默工作，除了拍內地劇集外，又拍攝《狀王之王》、《巾幗梟雄之懸崖》及《新聞女王》等重頭劇累積演技，在現時播映的無綫重頭劇《巨塔之后》中更終有突破性演出，讓觀眾對她另眼相看。首次演大反派的陳楨怡角色囂張跋扈，為求目的不擇手段，她直言是入行以來演過最衰的角色：「拍嗰陣睇重播都想打自己，真係好乞人憎，囂張到好似長期『岳』高頭，只係見到我兩個鼻哥窿咁！」
劇中大逆不道的她為復仇，竟然向昏迷的爸爸鍾鎮濤下毒手，弒父拔去其輸氧管，令人看得咬牙切齒，她說：「佢咁衰係出於復仇心態，因為爸爸害死咗佢嘅初戀情人，一直覺得係爸爸嘅錯。」角色衰到貼地，但對演員來說就相當有發揮，奸到出汁的她演技讓觀眾另眼相看，她說：「演反派好好玩，因為現實唔會做到一個咁衰嘅人，所以可以喺劇裏面盡情咁衰，反而角色畀人鬧會幾開心，因為知道觀眾睇得到。」不過，她指演反派需要付出很大的能量，拍攝時精神、體力消耗極大：「都幾攰，好似大鬧爸爸嘅婚宴，本身把聲唔係咁響，變咗全程要嗌出嚟。」
內地連拍3劇增信心
其實她早於疫情期間在內地拍攝的古裝劇《無相之城》近日亦播出，當時因到橫店拍攝，先要隔離1個月才開工，她回憶「閉關」的日子雖然相當煎熬，卻讓她得以專心準備角色，做足功課，在劇本寫滿拼音苦練普通話，直言開工時心情戰戰兢兢：「當時都幾唔習慣，去到一個唔熟悉嘅環境，唔知內地拍劇嘅模式係點，經驗又唔多，其他人仲係科班出身，所以壓力好大。」當時演出經驗有限的她，為演好氣場強勁的畫坊老闆娘角色，事前要搵「師傅」打救，閉關時狂煲影后章子怡的電影偷師，特別是翻看《藝伎回憶錄》學習，她說：「參考佢嘅眼神、氣場，雖然拍攝時真係好怯，但係都要表現得好有氣場。」
這次拍攝亦有意外收穫，陳楨怡趁空檔試鏡成功，獲得拍攝第二套內地劇《漫影尋蹤》的機會，之後再下一城獲邀拍攝《戀戀紅塵》，一年間拍攝了3部內地劇，更拍勻古裝、民初與時裝劇，獲益良多。期間她自知還未是最佳狀態，故特地到北京讀「暑期班」演藝課程，寄宿3星期惡補演技。她笑言上堂時見到一班同學的目光有點尷尬：「啲同學仔好細個，18歲都未夠，上第一堂見到佢哋望住我嘅眼神，點解會有個咁老嘅姨姨喺度嘅。」隨後她接受朝6晚6的「軍訓式」訓練，每朝起身就練功、跑步，然後拉筋跳舞，再進行聲樂、形態、唱歌、台詞等訓練，經過3星期，其信心增強了不少，對現時拍劇確實有幫助。
場地：KEW+（尖沙咀）
髮型：Chris Cheng@IL COLPO
本文作轉載及備份之用 來源 source: http://hk.on.cc
|
鍾意就快D Share啦！
|
|
|