她續說：「成日約出嚟打，所以見面多咗。」曾展望說：「有機會就約，可能夜晚各自喺屋企傾住電話打機。如果唔係見面，都一定係傾住電話打機。」中秋佳節，大家都會團圓食飯，但他們就表示時間上不合，所以未有機會「見家長」食飯。
雖則如此，但葉蒨文就表示媽媽對於曾展望的印象十分好，她說：「佢哋去咗中山遊玩。其實我媽咪留意佢（曾展望）啲嘢多過我！好似啲網民咁，追我哋呢對CP。佢連GM以前中學彈結他，跳舞啲片都煲晒。」此時曾展望插話：「真係有睇？」葉蒨文回答：「真係有！其實有啲片係佢send畀我，笑死我。」她續說：「佢覺得GM係一個風趣幽默，喺佢身邊都會幾開心嘅男仔。佢成日都問我哋，私下相處有咩甜蜜嘢。講俾媽咪知啦，好似真係追CP咁。」葉蒨文表示，繼父的反應較平淡，給予很大自由。
葉蒨文更大爆，媽媽有問他們互相的暱稱。曾展望回答：「（電話簿）唔係set我做曾展望。」葉蒨文：「係『罐罐供應商』，因為佢成日都覺得我好似貓，咁我就覺得佢好似『罐罐供應商』。」曾展望有點害羞，也回答，愛暱稱葉蒨文做貓：「佢係加菲貓嘅朋友，蘇菲貓。（單字叫貓？）兩隻字，貓咪。」葉蒨文：「佢成日幫我改花名㗎。」曾展望：「可能一三五同二四六都唔同。（唔同人？）都係呢個人，唔同名啫。」葉蒨文：「講住一個先，我怕醜。」曾展望又補充：「講多個囉，小貓咪。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|