另外，提到早前帶着一家大小去支持爸爸林子祥及葉蒨文（Sally)的《白頭到老WE ARE ONE世界巡迴演唱會》，他就表示最難忘就是12號晚上的表演，因為當天正是林子祥的生日，一家人齊齊整整在舞台上為爸爸慶祝特別有意義：「我覺得首先好難得佢哋攞到個日子，因為紅館唔係咁簡單，真係撞啱我爸爸生日。同埋今次我哋屋企嘅親戚好齊，我阿妹由美國返嚟，對佢嚟講都好難忘，因為我阿妹有三個小朋友，唔係咁容易可以放低，咁我哋一家人上去祝我爸爸生日快樂，同埋抱住我個B上去，覺得特別有意義，係我囡囡第一次上台，係佢爺爺生日，我覺得係一個好好嘅紀念日子。（私底下有冇同爸爸慶祝生日？）有，完咗之後有約出嚟食飯。（妹妹返嚟係唔係Sally安排？）其實係我阿妹自己主動想返嚟。」他又表示女兒在12號上台前，其實已多次在紅館看過彩排並有上台的經驗，所以在正式上台的時候完全不害怕。
本文作轉載及備份之用 來源 source: http://www.hk01.com
|
鍾意就快D Share啦！
|
|
|