開始前先睇睇今年截至目前為止的冠軍歌：
MC三首冠軍歌 《用背脊唱情歌》領跑至尊歌
以目前的冠軍歌來看，MC張天賦與魏浚笙（Jeffrey）同樣收穫3首，不過由於Jeffrey有其中一首歌《我感覺到》是跟洪嘉豪合唱，所以只當半首。根據DJ森美在去年《叱咤》爭議後的說法：「有時合唱呢，同埋唔係合唱呢，又唔同分數㗎喎，譬如話合唱歌曲每人半分啦，所以如果你有合唱歌曲呢就半分喇，有時featuring又唔同㗎喎，以前曾經試過主唱歌手一分，featuring好似冇分，就俾晒主唱嘅。」若合唱歌的播放率由歌手對分，《我感覺到》只當半首，故整體而言還是MC佔優！其後是雙冠梯隊，陳柏宇、Gareth.T、COLLAR、林家謙、馮允謙、洪嘉豪各有2首，火力平均。
而眾歌曲中，播放率領先的單曲為上榜長達十週的《用背脊唱情歌》，極有可能成為今屆至尊歌。Gareth. T在記招上感謝大家喜歡這首歌，坦言有幻想過上台得獎，他感謝公司、家人和有份製作這首歌的單位，並說：「覺得要練得好啲，所以每日起身我都會唱幾次呢首歌。」被問會否有壓力，他更謂：「Pressure makes diamond.（壓力成就非凡）」
緊隨其後的是Jeffrey的《白色踢死兔》及謝安琪《50/50》，基本上三甲都走唔甩，而前者更留在榜上多達11周。此外，雖然泳兒日前未有出席記招，不過其《無糖可樂》播放率達126次，為頭半年播放率最高的歌曲，惟遭其餘三首後來居上，仍幾近鎖定「十大」一席。其餘席位則落在馮允謙〈吉卜力〉、Dear Jane〈你流淚所以我流淚〉、陳柏宇〈我所看見的未來〉、Gordon Flanders〈全世界停電 第二年〉、Gin Lee〈白夜行〉等熱門之間角逐。
上屆「男金」陳卓賢唔玩 馮允謙MC勢均力敵
雖然MIRROR有一首團體冠軍歌，而陳卓賢、柳應廷、呂爵安、江𤒹生及盧瀚霆亦各有一首，但今年整體聲勢較收斂，加上MIRROR已表明不出席《叱咤》，若坊間所傳「唔嚟就冇獎」成真，其他歌手更見有利。先講男歌手獎，去年陳卓賢（Ian）奪「男金」引起爭議，有網民替「男銀」馮允謙（Jay Fung）不值，今年Ian缺席，加上Jay Fung默默做歌，除《然之後》、《吉卜力》外，目前《蘇富比》仍在榜上，其AP暫時領先，但與MC差距極微，MC又剛剛派歌《168.5》，所以「男金」之爭勢成雙雄對決。「男銅」則是林家謙與陳柏宇之爭；Jeffrey雖然有三首冠軍歌，但以整體播放率計反而暫時稍遜。
COLLAR穩奪組合金 Pandora出道8年有望首破蛋奪銀
至於組合獎方面，其實MIRROR過往反而沒有壟斷，只攞過兩次三甲，分別是2020年的「組合銅」及2022年的「組合金」。近兩年MIRROR成員專注於個人及小組發展，連齊腳合體的機會都少之有少，所以對上兩屆三甲都被Dear Jane及女子組合COLLAR、Lolly Talk及雷同二友獲得。今屆組合金獎幾乎可視作MIRROR師妹COLLAR囊中物，雖然COLLAR在記招上表示自己好佛系，反而較期待有表演機會，但倘若COLLAR成功獲得金獎，將會是繼2005年Twins獲得組合金後，相隔20年再有女子組合奪得這個獎，COLLAR聞言非常驚訝：「真係㗎？呢個真係唔知喎！咁呢個真係幾開心喎！」又自爆兒時好鍾意Twins。至於組合銀，出道8年的Pandora有望首度打入三甲並一舉「破蛋」；組合銅方面，相信是Dear Jane及RubberBand之間分勝負。
「我最喜愛」獎變數大 視乎一個關鍵因素
不過過往幾年，MIRROR在現場投票產生的「我最喜愛」獎項取得壓倒性勝利，「我最喜愛的歌曲大獎」姜濤已經五年霸、「我最喜愛的組合」MIRROR四度冧莊，而「我最喜愛的男歌手」，近年通常五強之中MIRROR成員佔三席，之後是張敬軒，第五個位曾是周殷廷、尹光或林家謙，而除了張敬軒在2023年榮獲此寶座外，這個獎有三次是姜濤、一次是盧瀚霆。
過去幾年鏡粉為求幫偶像保住個獎，可謂各出其謀，向來互鬥的「姜糖」與「神徒」用盡方法取得入場券，甚至豪擲千金成為《叱咤》贊助商。有粉絲即使無法入場，都高價從拍賣網購入「投票權」。今屆雖然MIRROR缺席，但有粉絲表示「人唔到禮都要到」，指即使當日偶像不會出現，都要照入場投票展示聲勢，到底最後會否成真則要拭目以待，現時能肯定的，是這系列獎項必定變數最大，臨場因素尤其關鍵。
本文作轉載及備份之用 來源 source: http://www.hk01.com
|
鍾意就快D Share啦！
|
|
|