「御用人質」宣萱在無綫劇集《巨塔之后》中，再被綁架，她已經是第30次被綁架，網民最期待的畫面再出現，自然成為網民焦點。盤點宣萱「御用人質」的生涯要數到由1994年的劇集《餐餐有宋家》開始，她當被人以一支原子筆挾持成為人質後，便正式展開開啟長達31年「人質之路」，紀錄至今無人能及。
宣萱過往被綁架方式可謂五花八門，由最普通的被武器持刀恐嚇、到被綁在海中央、高高吊起等都有，人質經驗絕對豐富，宣萱受訪講到在《巨塔之后》中被綁架，最特別除了不用孤單一人，亦是最舒服的一次，她說：「係第一次唔係淨係綁我一個，哈哈！仲要係Ronny（黎澤恩）好有口齒肯放返我哋走，唔使我自己好辛苦咁逃走，所以亦都係最舒服嘅一次嚟。」
宣萱又笑言拍攝時最搞笑的是發現劇中男人靠唔住，她說：「我哋成日笑Jacky（李善恆），佢劇情入面好似好反骨咁，成日揼低晒我哋成班女人。景程喺劇入面都係反骨架嘛，跟住點知Jacky都係咁樣自己走鬼咗去，我哋成班人拍嗰陣笑得好開心，笑佢冇義氣！」對於宣萱「被綁架」第30次，網友笑言：「有宣萱的地方就有綁架」、「人質之后」、「可以申請健力士世界紀錄了」、「「難道『被綁架』是她的興趣？」同場被綁架的林景程能夠現場親眼目睹宣萱被綁架，感到相當興奮，笑言成就解鎖：「哈哈！係人生嘅bucket list嚟架大佬！我以前睇電視就成日見到佢畀人綁架，我冇諗過有機會現場睇到佢畀人綁，仲可以同佢畀人綁埋一份喎，嘩！呢單嘢簡直係我人生最高光時刻嚟啦。」
此外，綁匪黎澤恩（Ronny）亦成為網民焦點，接二連三演出惡霸、悍匪而獲封「TVB專業匪徒」的她先後在《新聞女王》中綁架佘詩曼和《巨塔之后》綁架宣萱。對於綁完阿佘再綁宣萱，Ronny笑言大感榮幸笑說：「上次《新聞女王》綁架阿佘，冇乜太多對話機會。畀我感覺係阿佘身形雖然嬌小，但係佢好有power！今次用槍指住Jessica，嗰場戲唔係咁簡單，一來要綁佢返嚟，中間要經過好多唔同轉折位，真係可以見識到宣萱嘅演技有幾厲害，學到嘢。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
