藝人湯怡近年尋求在事業及家庭上作出平衡，女兒「麥QQ」開始成長懂事又需要額外照顧，搞到作為媽媽的她一天24小時都不夠用。而昨日（4日），湯怡再於社交平台爆出壞消息，她與舊愛洪卓立共同餵養了十餘年的愛犬「肥膏」離世，教她心碎不已。靚媽一字一淚寫下千字文，向「肥膏」好好道別：「每一次嘅見面都可能係最後一次，估唔到尋日我哋約定咗今日見面，忽然間就被帶走了！你陪我我陪你走過咗咁多年，希望你感到幸福。」
湯怡難忘與「肥膏」多年來的相處點滴：「記得每次帶你出街，一拎狗繩你就好興奮係咁吠，就算十幾歲都好，都好似個小朋友一樣。記得你畀其他狗蝦，我第一時間衝出嚟捍衞你直到依家。記得每次幫你沖涼剪毛，剪剪吓你會坐喺度瞓着咗。記得淇淇（另一隻愛犬）生完BB，我特別照顧佢哋，你呷醋跳上我度weewee…」萬千感慨如今只能隔空化作回憶！
其實湯怡亦明白近兩年「肥膏」身體開始變差，所以「離別」也是必然，她更留下祝福語：「依家你喺天際上翱翔，要繼續奔放啊！」且指目前只是換個方式去愛「肥膏」，這段「人寵戀」絕對無空間與時限，教不少粉絲動容，紛紛留言送上安慰。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
