無綫歌唱選秀真人騷《中年好聲音4》將於本周日（23日）首播，本季除了車婉婉外，還加入了出名口才了得兼轉數快的鄭衍峰擔任主持。評審方面繼續有「鐵腳」周國豐、張佳添及海兒之餘，還加入了有「小辣椒」之稱的谷婭溦（溦溦）做常駐評審。由於溦溦與海兒一樣表情多多又夠晒肉緊投入，令首站新馬賽區的賽事觀賞性十足之餘，亦極具娛樂性。
首集將是新馬賽區的戰況，出場的將有10位選手，一直有指《中4》是歷屆以來雲集最多高手的一屆，第一集，便將會誕生兩位唱功強度爆晒燈的五燈「殺手級」選手—尤淑情《聽海》與卓猷燕《夜夜夜夜》。
尤淑情演唱完畢後，海兒忍不住感嘆「Oh my goodness」，並讚不絕口說：「係我現場聽過最好聽嘅一次《聽海》，不費吹灰之力，好明顯你好習慣舞台，同埋好認識自己把聲，非常之好！」張佳添亦和應指這是他在《中年》系列舞台上、聽過最好的《聽海》版本：「呢首歌超難唱，但最難唱嘅位你全部tackle晒。最正嗰樣係咩呢，你係從容不迫咁唱晒啲高音，去到最尾，你仲特登搞多一嘢唱到再高啲畀我哋，嗰吓爽！」溦溦亦表示好興奮：「我仲興奮過你，你個表演令到我都好享受，激發我四字成語：游刃有餘」
另一位五燈選手卓猷燕，不但與尤淑情一樣，全程演唱游刃有餘，要感情有感情、要技巧有技巧，全程有8成時間閉眼獻唱的她，獲評審一致裁定唱出了超強感染力，海兒直指猷燕的歌聲勾起了她以往談戀愛被飛的回憶，豈料惹來張佳添爆笑說：「唔係你飛人咩？」海兒續指對方令她又喜又悲：「喜係又有咁好聽嘅歌手嚟咗我哋呢個舞台；悲係好似畀你拮咗幾刀咁、好似記番起之前被甩嘅感覺，很痛。我今日係第一次聽到—連呼吸聲都係感情嘅呈現。」溦溦稱要送對方4個字：「同聲同氣，我哋完全入到你嘅感情當中，跟住你呼吸，跟住你所有嘅一切，同你一齊感受成首歌。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|