林雪在《金童》首映禮上反擊欠債百億傳聞，影片在內地廣泛流傳，然而相比林雪激動爆粗澄清，內地網民更關注林雪左側面部疑似黑斑，留意到黑斑似乎較以往變大三倍之多！據內媒報道，不少網民認為林雪當日出席首映面色欠佳，擔心面部黑斑為「黑棘皮症」，為體重過胖下引起糖尿病與心血管疾病的警號。
林雪體重情況不下一次引起觀眾影迷關注，亦曾為面部「黑斑」解畫，於九月舉行的《PTU》20周年4K重映禮上曾指：「我研究過之後，醫生話我聽因為瞓覺成日側左邊，同埋我諗嘢會托住（左邊臉），所以咁樣會有個印喺到。」當日於《金童》首映禮上，則幽默談到「減肥餐」每日餐單：「剩係朝早食麥皮同腐乳就OK嘅，但食咗早餐就覺得嚡口嚡面，就整個好淡口嘅梅菜扣肉！中午嗰餐啱啱好，夜晚再整碗豬腳飯，又係啱啱好！然後第二朝再食腐乳麥皮，點解好似冇瘦到咁嘅？」
本文作轉載及備份之用 來源 source: http://www.hk01.com
|
鍾意就快D Share啦！
|
|
|