藝人何廣沛8月向拍拖3年的圈外女友求婚，近日他們第一個「BB」出世，就是合作寵物用品生意。昨日二人擺市集，廣沛是顏值擔當，站在檔前賣靚仔樣做生招牌，愛犬則賣可愛，成功吸引人圍觀。
何廣沛與女友Sarah經營的寵物用品生意籌備一年，首度在尖沙咀海旁的「首屆人寵時裝展」擺檔試水溫，他們以情侶裝上陣，有默契地分工合作，Sarah全程戴口罩做背後的女人負責布置，廣沛就負責擺貨，而愛犬亦有崗位，守在檔前吸引人流做「招財狗」，二人一犬通力合作，期間有朋友專誠到場支持。
廣沛受訪時解釋眼睛現紅筋，全因前一晚忙到沒睡覺，視這盤生意為「BB」。他透露投資了6位數，與女友初次做生意一定有摩擦，但沒有影響感情：「大家想有更好結果，兩個一定有不同意見，但磨合出來最好結果。」他指開檔前都有小問題，因為風力強勁，延遲了1小時開檔，幸好之後都順利。他表示做生意是受女友的柴犬啟發，希望做出更優質的產品給所有毛孩，而今次做市集投資不少，覺得頭炮宣傳就在香港維港能代表本土品牌，具雙重意義。
想多線發展
他表示未來會演藝和生意雙線發展，直言不可一世做演藝，問是否舖後路？他說：「唔算！想善用唔使開工嘅時間，今日唔知聽日事，想多線發展。」他近日在劇集《金式森林》演敗家仔，網民睇到喊打，他指角色是從影以來最衰：「朋友都話我演得乞人憎，已經成功咗。奸角唔易做，有機會想再做奸角，唔怕定型，始終做咗十幾年好人，監製一定會搵番我做好人。」又笑指希望與何依婷演一對賊公賊婆。提到被封「雞仔聲男演員」，他指由入行的《樓奴》開始就知自己聲線有缺陷，對比現時的《金》劇，聲線已沉實得多，但仍然有咬字不清的問題，會努力改善。
本文作轉載及備份之用 來源 source: http://hk.on.cc
|
鍾意就快D Share啦！
|
|
|