今日（8/11）亞洲電視於大埔電視總台舉行演員招募，亞視節目總監李文偉接受《香港01》訪問時坦言，這個項目製作，全數自資出錢：「我哋會拍8個節目，包括有飲食、醫學、長者、靈異節目等。今次我哋嘅口號係奇蹟。（外界擔心冇糧出？）係呀，擔心冇糧出。我哋想靠自己，因為靠其他金主要睇面色。所以我哋要求千幾蚊一個廣告，相信佢哋畀得起。」
李文偉表示：「呢次嘅項目製作我係要自己攞錢出嚟拍。（攞幾多錢？）其實我係買咗10% Good Show TV嘅股份，套現咗20幾萬去搞頭兩個月先。如果頭兩個月都搞唔到，又點樣可以搞個節目巡禮呢。同埋我順帶喺呢度講明，你哋最好有份正職（向在場面試演員講），如果靠亞視電視做，真係未必維到生，佢哋一定係freelancer，我哋唔會簽做藝人，因為皮費重，我暫時做唔到。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|