藝人馬國明與陳自瑤前晚打扮低調在中環海旁摸黑拖手仔，態度親䁥，原來是為新劇《玫瑰戰爭》開工。該劇已完成深圳部分，前日首日在港開工，馬國明最開心是省下過關時間，陳自瑤即說出重點：「佢歸心似箭！」
藝人楊茜堯、陳豪、馬國明、林夏薇、陳展鵬與陳自瑤（YoYo）等主演的無綫劇集《玫瑰戰爭》完成深圳戲份，前晚在中環碼頭取景，馬國明與YoYo戴上帽子及口罩從暗角步出，環顧四周無人後便脫下口罩拖手，態度曖昧！
兩人受訪時對劇中關係三緘其口，YoYo說：「點解手拖手？兄妹都可以拖手，唔知有冇詭計，或者佢呃我呢？」馬國明表示在港開工，最開心是不用趕過關：「試過星期五晚上去，星期日返香港做嘢，過關時間好難控制，有時要逼一個鐘。」YoYo取笑他歸心似箭，相信是趕返家向太太湯洛雯「交人」。YoYo又爆他下午在鬧市拍街景時，成為途人的集郵對象：「變咗米奇老鼠！」馬國明當日朝早7時化妝，拍至晚上9時許，但仍精神奕奕，他笑言訓練有素，又讚YoYo做完幾小時直播再拍劇仍很精神。YoYo笑言以前幾日冇瞓都撐得住，而此劇經常早起，試過兩日睡不夠5小時。
另外，馬國明日前與黎耀祥、吳卓羲到上海工作，他說此行十分輕鬆：「我哋介紹地方，一路行一路傾就做完，呢個工作好正！」而YoYo日前孖好友黃翠如外出開工，順道慶生：「一落地就諗點樣畀驚喜佢，因為工作好緊迫，冇時間坐低食餐飯，只可以喺酒店洗手間慶祝。（點解喺洗手間？）房擺滿嘢，幾特別吖！好浪漫！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|