曾志偉任職無綫總經理逾4年，屢傳唔撈！近日更瘋傳他將於本月底離職，本月9日志偉出席EYT聚會時，被問是否月底離巢，當時他語帶輕鬆說：「咁快？台慶再講」空穴來風，有傳志偉在今晚（19日）無綫台慶大日子投下震撼彈，會有重要事情宣布，曾志偉之後接受訪問時表示，否認辭任，並表示會保持繼續做落去，但沒有透露期限：「暫時唔炒我，我都會做，都係同一個位（職位）。」對於有傳他只做到11月，他說：「誤傳，其實都係可能上次自己喺馬會活動，大家問我呢個問題，我話今日先講，可能咁有呢個誤會。畀大家以為我有事要宣布，其實唔係。搞到大家咁大陣仗。唔係唔做，不過唔做當然係有朝一日，但唔係今日。同埋暫時無唔做呢個諗法。」
至於外傳譚詠麟擔任台慶神秘嘉賓，最終未有現身，志偉回表示：「係佢又點會甩我底呀？（祖藍扮嘢環節將你同阿叻嗰單嘢擺上枱喎。）我睇過晒嘅，一早已知，相信阿叻都唔會嬲，話佢可以炒晒啲高層喎。（抽奬引起爭議呀。）綵排時行兩round，覺得太長決定行一round，但冇講畀工作人員知，（得奬）命嚟嘅，最緊要大家開心。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|