無綫（TVB）《萬千星輝賀台慶》昨晚（19日）圓滿落幕。除了全台藝員總動員傾巢而出，外界焦點也落在總經理曾志偉的去留傳聞之上。早前有報道指志偉完成台慶後便會離職，這晚志偉在完騷後接受傳媒訪問，親身回應所有傳聞。
對於騷前盛傳曾志偉做完今個月便離職，志偉接受訪問時笑得相當開懷，一開口就派定心丸。被問到11月後會否繼續留任，他斬釘截鐵表示：「繼續，點解唔繼續？我仲喺度做緊。（係做埋今個月，還是之後都繼續做？）都會繼續啩。（仲係呢個職位？）暫時未炒魷魚都係呢個位。」直言傳聞只是誤傳。
問到可有計劃離開TVB？曾志偉直言暫時未有，慢慢想想先：「我諗大家誤會咗，其實上次馬會活動大家開始問，我就話今日問嘅嘢夠啦，留返台慶先至講。點知大家以為我今日要宣布一啲嘢，以為好重要咁，搞到大家幾凝重，圍住曬我，我都嚇一驚！」他續指：「咁唔做實有呢一日嘅，不過唔係今日，暫時未有咁諗法。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|