田啟文表示年底有多部「都市傳說」電影上映，應該接近清空香港電影庫存：「出年應該冇㗎喇，因為啲都市傳說今年都兌現晒，我預計出年下半年要開返多啲戲。」並表示會密切留意市場變化：「因為唔能夠為開戲而開，電影需要大約計到數先！」亦透露合拍片已失去需求：「反而香港喺內地投資嘅國產片，本土製作為主，我暫時未睇到仲有合拍片嘅需要。」
香港資深演員許紹雄與馮淬帆（緊哥）近日相繼離世，田啟文此前曾與二人合作拍攝電影，受訪時心情低落地表示：「我同Benz哥、緊哥全部都合作過，最近唔少資深演員相繼離開，我覺得好婉惜！」對於近年長居台灣的馮淬帆，田啟文表示亦多年未有見面，曾打算聯絡合作最後亦未能促成：「佢去咗台灣之後，我有一段長時間聯絡唔到佢，知道佢換咗電話號碼，我亦冇刻意再搵佢，本身有戲想搵佢返嚟做。」
較早前，已故香港武打演員徐忠信女兒在網絡發文抨擊田啟文，指責就父親離世向傳媒失言，田啟文受訪時大方回應事件：「我喺呢件事上唔再作回應。我尊重佢對我嘅指控、或者乜都好啦，佢有咩講法嘅就講啦。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|