藝人莊思敏上月8日在峇里閃嫁拍拖年多的圈外男友Matthew，由於未曾公開拍拖便直接報喜，令人大感意外。有過一段失敗婚姻的她，認為一紙婚書不重要，所以沒有進行簽字儀式，亦不打算補擺喜酒，實行一切從簡。
莊思敏完成婚禮後即獨自飛往內地搵銀，老公Matthew沒有詐型，因雙方早已習慣這種相處模式，會更珍惜共處時間。她一直沒公開戀情，除因另一半是圈外人，加上人大了，不想每一步都向外公布，原打算完婚後才公布喜訊，卻遭Wedding Planner意外曝光，令她極為無奈。出席婚禮的數十賓客包括胡杏兒及丈夫李乘德，莊思敏與李乘德相識10多年，巧合的是Matthew自小就視杏兒為偶像，房內更貼了杏兒海報，認真有緣。
無計劃生B
莊思敏的老公比她年輕10歲，但思想成熟，為人細心又浪漫，之前出動3卡鑽戒，在泰國進行「求婚大作戰」打動芳心：「佢安排咗人布置酒店房，諗住食完飯就返酒店求婚，點知我約咗朋友行夜市，返房見到好多氣球仲以為入錯房，好Sweet！」她還自爆沒有進行簽字儀式，老公亦尊重其意願：「覺得一紙婚書唔重要，咁樣對雙方好啲，所以搞個結婚派對通知朋友就算。（因為離過婚唔想簽？）第一次結婚有簽，離婚經歷過搞文件好漫長時間，見好多人唔啱分開搞到要打官司。（有陰影？）唔算，係唔需要太複雜，而且我哋冇計劃生小朋友。」
前夫與她關係不俗，在網上送祝福，但她亦收到不少酸民「贈興」：「有人話家姐嫁咗兩次，兩個妹仲未嫁？等埋下次一齊再搞！仲有人祝我年年有今日！做呢行實有人鍾意同唔鍾意，唔鍾意都願意花時間留言，佢講完舒服我OK嘅。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|