女團COLLAR在年底頒獎禮前推出新歌造勢，並以歌聲鼓勵大家相信自己，她們坦言不時也會自我懷疑，幸有一班「神隊友」狂讚助攻，互相補給正能量。
COLLAR近日推出今年第4首團歌《下次不如相信自己一次》，隊長沈貞巧（Gao）希望憑歌寄意，鼓勵懷疑自己的人多些信心，蘇雅琳（Ivy）則透露歌曲是經理人團隊給COLLAR和大家的禮物，希望大家多點自信。問到在年底頒獎禮前推出新歌，是否想造勢衝擊組合金獎？邱彥筒（Marf）笑說：「其實每次都係咁，我哋慣咗咁有效率。」陳泳伽（Winka）則認為順其自然，獎項並不是造歌目標，反而希望歌曲能影響他人，又笑言最想爭「最影響人」獎項。講到近年懷疑自己的時刻，李芯駖（Sumling）直言：「我哋女性情緒好多起伏，好似容貌焦慮，有時覺得自己好醜樣，大家都會有呢個Moment。」Ivy則笑說：「有時會覺得跳舞練極都唔好，唱歌又唔係幾好，所以生活中都會畀情緒價值大家，呢首歌就好似一個情緒價值咁送咁畀大家。」
193符合擇偶條件
COLLAR指平日隊友之間都會狂讚彼此，發放正能量，Marf說：「我哋係淺層嘅互相鼓勵，其實深層嘅，自己都處理咗，有時係需要叮一聲，有人話畀你聽，使但啦，做咗先啦。」她們指經歷讓組合的信心不斷增加，Gao表示：「自己懷疑緊嘅時候，身邊人反而係最信任你嘅人，呢樣嘢不嬲喺度，依家更加強化咗。」Marf補充說：「要相信自己正面，有時候自欺都係福嚟，一定會好嘅。」
此外，王家晴（Candy）談及與ERROR成員郭嘉駿（193）約會傳緋聞，她指拍攝籃球節目後雙方成了好朋友，當日只是為對方宣傳新歌。問到193是否佢杯茶﹖Candy指過往曾說過擇偶條件之一是夠高，193符合了身高條件，其他方面則未有留意。
本文作轉載及備份之用 來源 source: http://hk.on.cc
|
鍾意就快D Share啦！
|
|
|