男團ERROR經理人為力撐負評多多的保錡，引發為193的粉絲在網上抱不平發炮，而風波中的「核心人物」193亦發聲直指經理人不可信外，還鼓勵粉絲繼續發聲，擺明跟公司對着幹，有粉絲就預言「ERROR玩完」。
ERROR成員吳保錡及何啟華（阿Dee）日前在選秀總決賽上，以主持身份用英語訪問韓團少女時代成員孝淵，不過保錡的「港式英語」被網民嘲笑，連孝淵都聽到尷尬，亦有傳保錡是執缺席的193二攤，之後ERROR經理人在社交網發文護航：「唔係『執』係『頂』。」大讚保錡在只得兩日時間準備及在翌日有工作的情況下仍肯捱義氣，又不滿「自己人鬧自己人」，故問：「咁想ERROR少一個人咩？」至於涉事的阿Dee回覆經理人：「Sad but true,下次再處理得好啲」，保錡亦在社交網上載「訪問稿」及留言：「Respect my life」。
粉絲料ERROR玩完
對於ERROR經理人指兩日前才「換人」，令外間揣測是有人臨時缺席累保錡孭鑊，193心有不甘不吐不快，表示「千祈唔好盡信經理人講嘅嘢，唔覺得經理人應該亂發言」，又謂「我肯定最少有六日，點解係無暇出席？邊個講㗎？其實係可以唔需要人頂替」。有網民問193可有跟經理人溝通？他說：「如果有嘅話，ERROR應該可以行得更遠。」並感謝發聲的粉絲。
其實自193因澳門騷而發牢騷後上，疑即被掟入「雪櫃」，除總決賽缺席主持工作外，當晚官網更介紹組合P1X3L成員Phoebus為「新ERROR」成員，不過193亦有還拖，寧出席「冇獎攞」的叱咤頒獎禮也不捧同晚開騷的MIRROR場，有粉絲指193應不續約：「今年ERROR玩完」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|