全場都係「秦國人」
昨晚謝票氣氛極度狂熱，逾三百位觀眾到場，不少人悉心打扮成項少龍、秦王等戲中角色，甚至有影迷化身兵馬俑，而女團 Lolly Talk 成員亦以烏廷芳及琴清等角色造型亮相。古仔踏入影廳見到大批「秦國人」非常驚喜，大讚忠粉Cosplay有心思，又現場逐一評點影迷裝扮，更親自挑選最佳造型的得獎者，令現場影迷情緒高漲。
古天樂《天命最高》係唱錯歌詞︰原來自己一路以來都唱錯
近日電影主題曲《天命最高》在城中牽起「曼德拉效應」熱潮，不少影迷發現一直瑯瑯上口的歌詞中，從未出現過「誰和誰」三字。古仔在現場提及此事時，亦大方分享自己原來亦有「唱錯歌詞」，直至早前再為主題曲重新錄音時才發現，古仔指︰「話說原本歌詞係『亂局亦一樣人定』，但我好耐之前一直都係唱『亂局亦一樣入定』我錄音時跟監製講，我唱咗咁耐都係咁唱喎，原來自己一路以來都唱錯。」全場聽畢大笑，古仔更笑言一直都無發現，皆因多年來都絕少公開演唱此曲。
談及電影再創票房紀錄，古仔指身為導演及演員非常開心，希望觀眾繼續入場，除了感激大家的支持外，謝票時他更感性地透露，相隔二十多年後拍攝電影版的初衷。古仔坦言在這個智能電話普及的時代，希望透過《尋秦記》帶大家找回昔日的簡單快樂︰「呢部戲其實係想畀返一個回憶大家，諗返起當年一家人坐喺度食飯追電視嗰份溫暖。雖然依家時代進步咗，但大家都係耷低頭玩電話。我希望透過《尋秦記》，帶返呢份回憶畀大家。」 古仔更揚言，若票房數字再創新高，將不排除安排加長版上映，回饋一眾影迷。
本文作轉載及備份之用 來源 source: http://www.hk01.com
|
鍾意就快D Share啦！
|
|
|