陳柏宇驚爆紅館開騷消息？
陳柏宇在訪問中「自爆」差點在台上忘記最重要的感言，連最重要的兩位老闆都忘了多謝，還有一個重大消息也忘了：「其實我想同大家講，7月紅館見！」此言一出即引起現場記者哄動。雖然細節仍有待公布，但他笑言這次得獎給了他很大的信心，希望在接下來的個唱中能與樂迷分享更多音樂。
馮允謙曾陷入低潮想過「轉行」
馮允謙感性地透露，在加入現時唱片公司前，大約在 2017、2018 年期間，他曾陷入事業低谷：「當時幾乎冇咩工作，我真係諗過放棄，甚至諗過轉行唔再做音樂。」他感激公司當初願意給予一個年過三十、「肥嘟嘟」又有「暴牙」，且對自己完全沒信心的時候，願意給他機會：「隔咗六、七年，竟然可以開到兩次紅館，今日仲攞埋男金，對我嚟講真係一個奇蹟。」
珍惜當下與閉關準備
即將舉辦演唱會的馮允謙表示完成了剛過去的跨年騷及頒獎禮後，今日（2日）就要正式「閉關」為 1 月 17、18 號的演唱會練歌。他笑言自己中文並不是特別好，所以需要更多時間去練習歌詞。馮允謙被問到曾經被單立文指沒有hit歌，當時有否受到打擊時，他即表示：「我覺得作為一個artist一定要受批評，我係一個唱作人，而我做音樂係喜歡做呢樣嘢。我覺得你好難去預計寫一隻歌會唔會爆，會唔會hit，同埋我覺得做音樂如果你喜歡，你過到自己嗰關，你proud of自己嘅作品，其實就得㗎喇。」他坦言這番言論對他沒有太大的影響，會繼續做自己喜歡的音樂，更認為做音樂不要「為咗寫Hit Song而寫一啲自己唔鍾意嘅歌」。
李幸倪坦然面對新歌爭議
同場的李幸倪今年成績同樣亮眼，對於新歌 MV 的造型引起網民兩極評價，她表現得非常大方：「我有睇到大家嘅意見，無論係鍾意定係覺得『麻麻地』，我都接受。」她透露團隊為了找衣服和構思視覺效果付出了巨大心力，甚至有成員因為負評而感到難過，她反而安慰大家：「每個人都有進步空間，我會繼續嘗試新嘢，下次一定會做得更好。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|