韓國天團BLACK PINK早前來港開騷一票難求，其中無綫小花游嘉欣成功搶飛入場朝聖，並在社交網大晒打卡相及留言：「淨化眼睛，仲發現咗好多未聽過嘅歌」，卻因為一句「未聽過」引起誤會，惹來大批BLACK PINK粉絲圍插，質疑她不是粉絲，只為打卡才入場：「做吓功課啦」、「就係多得你呢啲跟風，搞到真正想睇嘅人買唔到飛」、「連歌都未聽過學人入去睇」等，另有網民亦力撐，指就算不是死忠粉絲也有權利買票入場，隨即爆發罵戰。
而游嘉欣亦親自回覆網友留言，指只是文字表達錯誤才引起誤會：「咁啱有緣睇到，回應吓先。其實我都追咗好耐，係有兩、三首表演嘅solo歌原來未聽過啫，今次聽完愛上埋啲solo歌」，又進一步解釋：「我就覺得只要你有欣賞嘅心同對表演者嘅熱誠，無論本身識幾多首歌去聽演唱會都絕對冇問題。重要嘅，係對表演嘅投入同尊重」。
游游接受東網訪問回應事件，表示當時很享受現場氣氛，又覺得很有紀念性，因此打卡貼文希望跟大家分享，坦言風波出現令她有點錯愕，她説：「後來斟酌返，我覺得自己字眼上係唔夠精細，其實我本身嘅意思係一、兩首歌未聽過，但用咗好多去形容，可能令大家誤解咗。」她認為每個人只要真心欣賞和投入表演，或者喜愛該藝人的話，去看演唱會絕對沒問題，坦言自己亦不會因為網民因誤解而產生的評論而不開心。
游游表示自BLACKPINK出道自己已喜愛對方，對方推出第一首歌已在追，但笑言自己是「冷靜追星型」，是默默聽作品、留意對方的最新資訊和報道，並未有做過甚麼瘋狂事，今次也是首次入場見偶像：「因為佢哋之前開嘅演唱會我都冇機會去睇，今次難得有朋友撲到飛當然要入場支持！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|