藝人王敏奕今日（29日）盛裝現身中環品牌時裝活動，身穿一襲低胸搶眼裙裝的她，甫到場便吸引眾人目光，透露自己鍾情於簡約優雅吊帶裙風格，又強調揀選服飾時最重視的並非「性感」而是舒適及自我風格的展現。
談到近日有報道指她為好友糖妹「打針」雪卵，王敏奕表示緊張到手震：「我聽佢講好多年㗎啦，我覺得佢有呢個諗法想去做呢件事，我一直都好支持佢。雖然我個人冇辦法陪佢飛去台灣進行呢件事，我都好慶幸佢有一Part係返香港要Support嘅，佢都係畀一個機會我去參與。」她坦言對於「打針」一事自己也心生畏懼，甚至形容針頭的長度令人心驚：「我打都手震㗎，啲針原來咁長㗎，都驚啊，唔係嗰啲短嘅針。」被問到有否考慮凍卵？她坦白回應：「暫時未有需要。」
提到老爺曾志偉卸任無綫高層後，王敏奕表示未聞對方新動向：「我都冇獨家消息，臨近新年希望可以大家放個假先啦，有啲咩都新年後再繼續，過一個新嘅一年、好嘅一年再出發啦。」她透露工作未受老爺卸任而減少，對即將展開的新項目充滿期待：「其實都好好彩嘅，即係有啲好好嘅機會啦，嚟緊都會有新嘅Project，都覺得係好有興趣嘅，好期待可以快啲同大家見面。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|