現年75歲的藝人李龍基與39歲的圈外女友王青霞（Chris）的「爺孫戀」，隨着女方已有家庭而畫上句號，不過李龍基坦言「愛得太深」，至今仍未完全放下。談到當初女友被入境處拘捕，他竟自爆當日自己與對方其實一同被捕，亦否認「報寸」之說：「我畀人拉咗，簽守行為兩年，但因為罪名輕，仲有未係正式控訴（告）我，我只係涉嫌隱瞞事實，但證實唔到，所以我唔需要交出旅遊證件。喺畀人拉咗之後，我第二日就返內地做嘢，所以好多人覺得，係我通知入境處拉咗王青霞之後，我就去大陸。嗰陣我要簽保，每3個月簽保一次，兩年後王青霞被判咗（入獄），因為搵唔到證據證明我係協助佢，所以就撒銷咗我控罪，依家先叫Free。」
至於「送7層樓給王青霞的傳言」，李龍基形容遭斷章取義：「當時主持人問我，你離婚後嗰7層樓點搞，點解全部冇你個名。我嗰陣話，因工作關係不時飛來飛去，如果出意外物業寫我個名就好麻煩，所以我7層樓都係寫前妻個名。當時我講『我完全過晒佢個名』，媒體就抽咗呢句來造文章，話我將7層樓送畀王青霞」。至於對方「攞咗好多錢」，李龍基坦言花了數十萬元為對方打官司：「使咗幾多錢，我唔想再計，不過淨係講為佢打官司，請咗2個大律師及3個普通律師，已經好多錢。其他嘅唔講喇，太敏感！」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|