艾威：「無諗走出，只可以同傷痛共存」
日前艾威接受商台《星光背後》訪問，反問一句：「究竟屋企人死咗，要事隔幾耐先有權開心？」他直說從未走出傷痛：「無諗走出，只可以同傷痛共存，但我好快要迫自己改思維方式，因為我唔可以繼續沉溺，有好多問題要面對。」面對網友批評，艾威說：「我將呢啲開心片段放出嚟，就有啲人好得閒攻擊我，當然我無去回應，但就覺得好奇怪，發生唔開心嘅事，究竟要保持負面情緒幾耐？好無情地講，屋企人死咗，你要我傷痛幾耐？先至有權開心？邊個做準則？」作為喪親過來人，艾威說：「一定要開心返，因為走咗嘅屋企人，亦都希望你開心嘛！你無資格批評我，因為我要用開心嘅心情，解決我以後面對嘅問題。」
網民爆料心酸一幕：神不守舍
相關報導登出後，Threads上亦有網民挺身而出，爆料曾目擊艾威最崩潰的時刻。該網民透露，在 Lisa 離世後那個星期，曾在朗豪坊超市見到艾威，「佢不停拎起又放低包薯片，企喺度成 20 分鐘，神不守舍。」這段描述讓不少網民感到心酸，紛紛留言聲援：「睇字都 feel 到佢嗰陣又 sad 又迷茫」、「如果佢真係咁快走到出嚟，一定係好事」。大家普遍認為，比起永久沉淪在悲傷中，能夠重新投入工作、對著客人微笑，才是真正的堅強。
艾威與太太Lisa相戀逾20年
艾威與太太Lisa拍拖11年，於2002年結婚，卻在2020年宣布結束18年的婚姻，但二人為挽救感情，一同參與真人騷節目《再見愛人》成功復合，但沒料到節目完結後不久，Lisa的病情惡化，於去年5月病逝。艾威在電台訪問中亦有提到，因為 Lisa 生前沒有立平安紙，他要接手其生前創辦的手錶舖，以及打理自己投資的灣仔食肆，忙於面對生活。
本文作轉載及備份之用 來源 source: http://www.hk01.com
|
鍾意就快D Share啦！
|
|
|