前藝人章小蕙淡出娛圈多年，近年轉戰內地做KOL，早前接受內地訪問時，大談人生每個階段，包括跟前夫鍾鎮濤（阿B）嘅婚姻失敗，更罕談曾被剝奪子女探視權，更曾因聖誕孤獨度過而痛哭，惟未有談及昔日與已故富商陳曜旻嘅一段情。
章小蕙提起24歲嫁給鍾鎮濤，佢稱當年係不折不扣戀愛腦，因此唔理父親反對就決定結婚。直到回復單身嗰年，佢先34歲，章小蕙以「早去早回」形容呢段經歷：「早去早回，早些把它經歷過，從一段不開心的婚姻走出來，我看到身邊很多朋友，有些害怕有些不願意放棄現狀，但這是女生必經之路。（你當時害怕嗎？）不害怕，大不了就走下去，每一天走一步。」佢又慶幸離婚後能靠寫作能養活自己，之後更圓夢開時裝店，令佢擁有第一個事業高峰︰「回復單身，是大開眼戒的時候，我每天很開心，有自己工作，能帶小孩，非常有成功感，沒有很多時間反思，沒有失眠，因每天只睡得四、五個小時，每日都很忙。」如果可以同過去24歲嘅自己傾偈，章小蕙會勸佢唔好咁早就困喺婚姻入面：「多看看吧！因為最痛苦的是沒有選擇的人生。」
佢又被問到曾否在夜裏失落痛哭？佢憶起有一次，係某年聖誕節，佢特意放下忙碌工作畀自己放一日假，等可以同子女共度佳節，當佢滿心期待預訂埋酒店餐廳，卻等唔到小朋友出現：「本來說好小孩回到我家裏，但那天小孩沒有回來，到處找也找不到他們。」佢更聲稱電話亦無法接通，最後崩潰痛苦一整晚：「那時我說，那一天終於來了，是噩夢。」佢指小朋友仲細嘅時候，被前夫剝奪探望子女的權利：「想見孩子都見不着，跟被藏起來了一樣。」她心痛孩子因為大人之間有矛盾，被剝奪相處時光。佢又表示自知唔係合格母親：「但我有我的苦衷。」離婚後，大仔跟佢生活，幼女鍾嘉晴則隨父。鍾嘉晴就曾經公開表示︰「范媽媽更疼我。」女兒與繼母范姜關係，比同佢更密切。
章小蕙自言已62歲，唔急於搵個伴，笑言可從靚衫搵到安慰：「不用人安慰，人會佔用你時間，有一個人在安慰你時候，你必須要付出……約會不是浪漫是浪費。」若再遇上對象，佢相信係人生中最後一個伴侶：「我這個年紀，都只相伴多20年吧！再出現的話，應將會是最後一個人，所以我會非常嚴謹（擇偶），因為我會一下子投入了。」
而去年台灣女星大S（徐熙媛）因流感迸發肺炎病逝日本後，S媽就為大S一對子女與大S前夫汪小菲爭奪撫養權。當時汪小菲得知大S病逝消息後，即帶現任妻子馬筱梅（Mandy）由泰國飛奔返台，上演雨中跪地痛哭深情舉動，但一個月後汪小菲就一聲不響留下兩名子女，與Mandy飛回北京。之後S媽就多次發聲：「不信正義換不回！我要上戰場、給我加油吧！」、「我們一起為大S討回正義。」為大S子女撫養權及遺產上向汪小菲開戰，最終由大S約1.5億遺產由現任丈夫具俊曄與兒女均分，但因為子女沒成年，所以於子女18歲之前，所得部分都先由汪小菲代為管理，同樣子女撫養權皆屬父親汪小菲。
本文作轉載及備份之用 來源 source: http://hk.on.cc
|
鍾意就快D Share啦！
|
|
|