卡域克執教曼聯至季尾。(Getty Images)
曼聯周三(14日)凌晨官宣，44歲名將卡域克獲聘為球會新帥，任期去到今季完結，成為費格遜退休後曼聯第12任領隊。卡域克同時公布新教練團進場，其中前英格蘭助教賀蘭特意外上榜，佢喺國家隊輔助修夫基長達8年，令班主拉特克利夫心儀嘅修夫基，成為曼聯下任正式領隊機會大大提高！
曾經喺2021年以看守領隊身份教過曼聯3場嘅卡域克，喺面試中擊敗蘇斯克查同雲尼斯達萊，簽約做曼聯主帥到季尾，呢位球員時代效力曼聯12年嘅名將表示：「帶領曼聯係光榮，我知道點樣喺呢間球會取得成功，我會專注幫呢班球員達到佢哋預期嘅高度，佢哋完全有呢個能力。」
曼聯喺兩項本土盃賽出局後，今季只剩17場聯賽要踢，唯一目標就係搶歐聯參賽資格，卡域克表示：「今季仍然有好多嘢要爭取，我會令球隊更加團結，交出曼聯忠實球迷應得嘅好表現。」曼聯同時宣布新教練團，近期協助費查嘅莊尼伊雲斯、比尼安同奇治莫臣留任，而卡域克就帶埋活基治同賀蘭特加盟。
前英格蘭國腳活基治係卡域克過去3年執教米杜士堡嘅助手，跟住佢係順理成章，不過同卡域克冇乜關連嘅賀蘭特都加盟，就引起唔少猜測，曼聯著名KOL高比治直指，賀蘭特喺英格蘭國家隊做咗修夫基8年助教，呢次任命預示修夫基好大機會成為曼聯下任領隊。
眾所周知，英國富商拉特克利夫一直心儀修夫基，喺請魯賓艾摩廉之前已經盛傳想搵修夫基。據英國傳媒報道，曼聯夏天搵新帥嘅名單仲有唔少候選人，包括安歷基、迪沙比、杜曹、沙比阿朗素同伊拉奧拿等等。
最強博彩盤路過關神器《串績王》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|