▲75歲李龍基與小36歲未婚妻王青霞的「爺孫戀」發展曲折離奇！
【李龍基/王青霞背景/爺孫戀】75歲李龍基與小36歲未婚妻王青霞的「爺孫戀」發展曲折離奇，李龍基曾指王青霞7月出獄後，要「低調生活」兼在佛山打理家族生意，豈料早前王青霞被爆出早在佛山結婚生子。被「瞞婚」的李龍基大受打撃，日前接受傳媒訪問時，更直言見過王青霞有妊娠紋，當時都有懷疑過她曾生育！
李龍基王青霞｜被爆早已結婚育16歲兒子
早前YouTuber「導遊哥哥」Hugo爆料指，王青霞在2007年與陳姓男子結婚，並育有現年16歲的兒子，「一家三口」現居佛山，王青霞丈夫在王父窗架零件廠工作，是王父助手。冬至當日，王青霞與丈夫、母親同枱食飯，未有跟李龍基共度佳節，這亦成為兩人分手導火線。李龍基更表示要多謝「導遊哥哥」爆料，否則仍被蒙在鼓裏。
最新影片推介:
李龍基王青霞｜基哥傷感：原來佢仲未離婚，同埋有個仔
李龍基日前出席活動，接受媒體訪問時表示：「近來爆出佢（王青霞）好多嘅秘密，搞到事情好似好大咁，當然對我自己嚟講都好大打擊，都好啦，依家自己就疊埋心水告一段落。但始終都要需要時間去消化，有時喺屋企見到佢啲物品都會觸景傷情，所以我都掉咗佢好多嘢。」
他無奈續說：「佢係有親口同我認佢已經結咗婚，因為唔到佢唔認，都俾人爆晒出嚟。其實喺冬至之前，我覺得我唔需要同任何人交代，只不過冬至俾人爆咗咁多嘢之後，咁我先知道，原來佢係仲未離婚，同埋有個仔。」
李龍基王青霞｜發現有妊娠紋曾懷疑對方生育過
問到拍拖時每個月給女方多少生活費？李龍基透露：「其實我冇，通常我啲錢放喺個櫃桶度，佢鍾意就攞，都係一萬幾千咁。」他又指自己沒有計過花多少錢在對方身上，因為自己對錢不敏感，認為錢財只是身外物。
至於可曾懷疑王青霞生育過？李龍基直言有，因為見過對方身上有妊娠紋：「的確係有，咁所以係有懷疑，但我就咁諗，若然我愛佢，若然佢真係有個小朋友，冇問題㗎，我自己都有啊。只不過如果佢坦白同我講我冇嘢。」他當時怕傷感情，所以沒有過問。
李龍基王青霞｜無悔為青霞放棄原有家庭
提到為了王青霞放棄自己原有的家庭，如今分手收場，被網民鬧爆報應，他則表示：「我唔會再話後悔，因為我覺得好多嘢會有所安排，我自己好信命運，個天安排咗係咁，當一個人能夠走埋一齊，就係上天安排。當一個人要走，係留唔到。」
相關內容：
李龍基王青霞｜李龍基爺孫戀玩完不知情做第三者 歷兩段婚姻曾出軌王青霞致離婚
李龍基緋聞丨75歲基哥傳冧龍婷飯局互動親暱 李龍基「爺孫戀」再起風波王青霞地位不保？
2025最強CP回顧︱盤點最轟動娛圈6對情侶 基哥被暪婚最慘情2位黃金盛女出嫁最高興
🔥免費索取「升小一選校及面試攻略班」影片【送升學面試攻略本】【點擊索取】
🎓TOPSchool全港中小學校搜尋器，比較+收藏心水學校，入HKET App即用！
Follow TOPick Whatsapp頻道🔔，唔會錯過熱門話題!【點擊Follow】
免費成為TOPick會員，隨時參加有獎遊戲、好物試用、會員專享活動! 立即下載HKET APP︰https://onelink.to/f92q4m
TOPick會員迎新大招募，免費做新會員送精美禮品!【立即參加】
|
鍾意就快D Share啦！
|
|
|