▲陳惠敏首度親揭與陳慧琳親戚關係傳聞。
【陳惠敏 / 陳慧琳 / 樂壇天后】曾在電影《古惑仔3之隻手遮天》演駱駝的資深武打影星陳惠敏，是在銀幕上下也打得，當年更流傳「拳有陳惠敏，腿有李小龍」，可見武功何得了得。
可是，惠敏哥曾在2020年中風、罹患肺癌，在2021年再患腦癌，他曾透露花費7位數醫療費用抗癌，同時幸得太太悉心照料，康復情況理想。
陳慧琳演唱會︱草蜢蔡一傑去年完成切除腦腫瘤手術後首演出 傑仔稱感覺似「初戀」笑言開腦後勁過AI
都市傳說︱惠敏哥回應與陳慧琳關係
雖然惠敏哥已81歲，仍十分緊貼潮流，開設了個人社交平台頻道做KOL。他最新一條影片內，罕有回應坊間流傳多年關於他與樂壇天后陳慧琳（Kelly）有親戚關係的「都市傳說」。
在影片內，助手代網民問道：「見到好多粉絲問，關於你喺娛樂圈有趣啲嘢，其中經常被人問嘅係，你同陳慧琳係咩關係，你今日可唔可以答一答呢？」陳惠敏即表示：「我而家話你聽，其實我同陳慧琳真係無親戚關係。」
都市傳說︱陳惠敏一番話引誤解
但陳惠敏透露，與Kelly父親的確相識，表示：「佢老竇，我哋見過面，而且陳慧琳呢個女仔非常非常好，我哋大家都好尊重佢，根本我哋就係無親戚關係。」
於是助手追問為何會有此「都市傳說」出現，惠敏哥估計原因指：「因為嗰時陳慧琳啱啱彈起（走紅），我曾經講過一句說話：『你搞邊個都好，唔可以搞陳慧琳！』呢個女仔非常好，我哋個個都好尊重呢個女仔。可能因為咁，就以為佢係我親戚。」
惠敏哥透露，Kelly父親經營珠寶生意，二人曾見過一、兩次面，他沒想到當年自己這番話令外界誤解。事實上，陳慧琳的祖籍是上海，惠敏哥籍貫是廣東省梅州市五華縣。不過有網民戲言「同姓三分親」，二人算起來也算同祖宗。
最新影片推介：
🔥免費索取「升小一選校及面試攻略班」影片【送升學面試攻略本】【點擊索取】
Follow TOPick Whatsapp頻道🔔，唔會錯過熱門話題!https://whatsapp.com/channel/0029Va2riKf4o7qJmRRWrr1g
免費成為TOPick會員，隨時參加有獎遊戲、好物試用、會員專享活動! 立即下載HKET APP︰https://onelink.to/f92q4m
TOPick會員迎新大招募，免費做新會員送精美禮品! 詳情:https://event.hket.com/article/3965561/?r=mcsdediart
|
鍾意就快D Share啦！
|
|
|