藝人阮小儀、MIRROR成員楊樂文（Lokman）、梁仲恆、王耀祖及阮韻珊今日（1日）現身觀塘，出席舞台劇《關於那隻龜回魂的故事》記者會，台上介紹角色及寫揮春。
阮小儀與Lokman齊齊受訪，小儀透露劇中演奀星，笑指現實中自己也不是紅，因此沒有難度，又自爆小時候曾夢想參選港姐，因不時被街坊讚靚女，她説：「直到12歲冇再高所以高幻滅咗，未見過有港者唔夠5呎高嘛，哈哈！我同編劇講過呢件事，所以擺咗入劇情度。（自嘲？）自嘲好過畀人嘲，其實冇乜嘢大不了，畀到同我差唔多成長經歷嘅人共鳴，因為身高容貌唔需要太介懷，短處有時都可能係長處。」劇中演黐飲黐食躺平「啃老族」保安員的Lokman，指角色跟現實中的自己反差很大，圍讀時也覺得是一個挑戰，他指3月才開始排練，笑言自己現開始嘗試躺平以習慣角色：「食多啲、令到自己重啲，咁就唔會郁。」
談到小儀今年首度以人妻身份派利是，她表示不會用夫姓的利是封，她笑謂：「費事銀碼太細畀人追，因為依家冇主要入息，要慳啲使。（唔想透露老公姓氏？）因為佢始終唔係圈中人，唔需要特別透露，總之佢係一個好先生，我係一個好太太。」問到成為人妻後過年有否特別事情要預備？她表示雙方家庭也很開通，不需要太過繁文縟節，問到會否親自下廚煮團年飯？她笑謂：「煮兩個人就得，呢啲大排筵席唔慳得，出去食」問到Lokman交換會否希望收到小儀的雙封利是？他表示可以交換利是，好像互相祝福一樣。
另談到早前有傳MIRROR跟商台交惡，但日前Ian出席商台活動，有指雙方成功破冰，Lokman指頒獎禮當日也有成員看直播，笑謂：「冇冰又點破？嚟緊MIRROR都會出團歌，大家忙完手頭上個工作應該都會上去宣傳，希望兩個月內可以出到。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|