視帝陳山聰與梁烈唯新正頭舞獅贈興，祝願大家馬年萬事如意，亦希望主演電影《媽媽又要嫁》賣個滿堂紅。山聰今年密謀進軍電影幕後，一嘗做美術指導的滋味，唯唯更準備染指馬來西亞醫美市場。
藝人陳山聰、梁烈唯（唯唯）及好兄弟林盛斌（Bob）組成夢幻組合，進軍馬來西亞電影市場，推出馬年賀歲片《媽媽又要嫁》。山聰與唯唯形容今次電影等同3兄弟的「初生兒」，故這個新春放棄與家人共聚及休息，決意花一整個月跑遍全馬來西亞謝票。
對於新片票房，他們坦言有壓力，透露當初由唯唯「牽紅線」才成功找到金主投資：「全片資金大約600萬港元，雖然投資方好好，只希望唔好失禮，但我哋梗係想出盡全力。今次染指埋幕後工作，先知樣樣都係錢，開工要畀啲壓力唔好超時，想搵多啲朋友客串，計過數負擔唔起機票同酒店，希望下次可以Bob計過，話如果我哋能夠平到舊年冠軍《關你茶事》嘅千萬令吉（逾2千萬港元）票房紀錄，先有錢賺！」而截至昨日，《媽》片票房收110萬令吉（約222萬港元），打入票房3甲。
唯唯更與金主達成長期合作協議，年中將開拍一套以江湖情義為背景的新片，已落實演出的山聰為配合角色瞓身操肌，並爽快答應唯唯的提議，兼任美術指導一職：「我真係想試㗎，姐夫莫少奇係我師傅，佢做美指時參與過電影《鹿鼎記2之神龍教》同《賭神》等等，套套都係大片，況且我咁鍾意靚嘢，應該好啱我。」
婚前婚後「不一樣的春節」
至於唯唯透露已成立製作公司，除了拍電影外，還製作短劇及涉獵遊戲平台，並在馬來西亞開設美容中心，可謂百足咁多爪。「梁老闆」凡事愛親力親為，他說：「依家時勢淨係做演員好難，做其他嘢令我獲益良多，成個人都好似成熟咗。」他直言新一年希望公司業務蒸蒸日上，如願每年開拍至少一部電影。
談到農曆新年難忘事，山聰自爆：「試過年卅晚同朋友飲酒，年初一朝早要去拜年，喺人哋屋企洗手間瞓咗。呢啲日子隨住結婚生仔已經成過去，依家好鍾意喺屋企放年花同布置，多啲新年歡樂氣氛，好住家男喇！」唯唯則說：「以前未結婚去朋友屋企會所團拜，試過淨係嗰日都有萬幾蚊利是，開心記到依家，點知結咗婚去番同一個場合，倒轉派到唔夠利是，要同靚靚（袁詠儀）佢哋匿埋一角即場封，真係『嗰度攞、嗰度放番低』，哈哈！」
場地及舞獅提供﹕國際獅兄弟同學會
本文作轉載及備份之用 來源 source: http://hk.on.cc
|
鍾意就快D Share啦！
|
|
|