曼聯拒絕賤賣拉舒福特。
曼聯今季外借拉舒福特畀巴塞隆拿，包括3,000萬歐元買斷(約2.78億港元)，巴塞希望以更低價錢收購，據報曼聯明確拒絕減價，並警告如果巴塞未能支付轉會費，就會收回球員。
英國傳媒報道，相比起拿玻里買斷海倫嘅爽快，巴塞對於買斷拉舒福特一直採取拖字訣，並指使球員配合會方逼令曼聯減價，但曼聯拒絕賤賣。
拉舒福特今季喺巴塞交出10球13助攻極佳數據，有傳聞看守領隊卡域克希望重召拉舒福特歸隊，但已遭曼聯會方否認，並希望巴塞完成交易，不過如果巴塞未能交足轉會費，曼聯亦唯有收回球員。
同拉舒福特鬧不和嘅魯賓艾摩廉已離隊，因此就算福仔回歸曼聯都唔係大問題，不過福仔原本着嘅10號波衫已經畀咗馬菲奧斯根夏，如果重返曼聯，福仔可以繼續着佢喺巴塞嘅14號波衫。
足球博彩神器，每日重心提供盡在《彩報》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|