歌手周柏豪將於3月14日白色情人節假啟德體藝館舉行「THE BLOOMING CHAPTER 綻放之章」粉絲見面會。日前接受專訪時他透露選擇搞見面會而不是演唱會，其實是自我挑戰，開演唱會以依導演指示及盡歌手唱好歌的本分為主，但見面會的工作量及承受的風險亦倍增，每場騷可算是一次考試。他說：「見面會唱嘅歌都唔少，仲要兼顧場外及內、騷前和後嘅所有事，要令觀眾睇得投入，呢啲就係依家好興嘅情緒價值，喺構思嘅過程要畀好多心機，製作就好似綜藝節目或嘉年華會。」
談及見面會要拿捏觀眾情緒，問騷上可曾遇上Dead Air？他坦言：「緊係會有啦，當發現台下啲人開始郁動就要隨機應變，緊係唔想個騷出現去廁所位啦。」柏豪又指3年巡迴見面會中，曾遇過在感動或搞笑環節時，台下反應平淡，令他明白到入場觀眾未必一定是粉絲，加上每個城市的文化均有不同，有時搞氣氛說笑時未必每個城市的觀眾都聽得明。
另外，柏豪特別寵香港粉絲，將於3月初推出2500本相集《days before the bloom》，每本集合過去3年來在舞台上下的笑與淚，及跟粉絲互動的相片 ，他說：「係我親自策劃嘅回憶錄，每幀相同埋未曝光嘅後台絕密花絮，全部都係由我揀選。」為令相集與眾不同，能擁有溫度及氣味，隨書附送的牛油紙Memo note，全部由他操筆寫上「一輩子很短 要愛對的人」，並附上署名「ph」，還有噴上他最愛的爽身粉味香水。
本文作轉載及備份之用 來源 source: http://hk.on.cc
|
鍾意就快D Share啦！
|
|
|