現年50歲嘅金馬影后李心潔，近日趁新春佳節，發布短片平台上第2條影片，佢就提到自己回娘家馬來西亞過年，化淡妝、着露肩裝嘅佢，等緊媽媽親自下廚，炮製各式賀年美食。鏡頭一轉，佢就喺寓所外果園即場摘龍眼食，李心潔換上白色Tee，食得津津有味，改為素顏上陣嘅李心潔雖然面容帶點疲倦，但皮膚依然緊緻，少女感十足，引得網民大讚：「少女感爆棚」、「這種臉型，屬於天生不會老了」、「好美啊，和20年前一樣」。惟成段片都未見導演丈夫彭順身影，令二人婚姻再受熱論。
據了解，李心潔近期長時間待於娘家，同佢先前忙於電影《黑潮》拍攝有關，該片係佢繼《富都青年》後，再度與王禮霖合作監製作品。
而李心潔以前係圈中出名美人兒，獲到導演老公彭順力捧，佢又視繼女如己出，隨後又為丈夫誕下一對雙胞胎仔仔，雖然彭順於2014年曾被斷正偷食女星李悅彤（Liddy），但獲李心潔原諒後已事過境遷。
本文作轉載及備份之用 來源 source: http://hk.on.cc
|
鍾意就快D Share啦！
|
|
|