無綫凌晨重播經典劇集《名媛望族》，連新一代Gen Z都紛紛追劇，除咗劇中江美儀引爆「英語對白」熱潮，最近網友轉向討論當時仲係新人嘅朱晨麗，更被狠派負評，稱佢係成套劇嘅「唯一敗筆」。
劇集重播後，唔少網民都狠評朱晨麗演出，稱佢演技生澀、咬字唔正及表情僵硬等，加上劇中造型唔討好，角色性格又拖泥帶水，引起一面倒喪插留言。當年朱晨麗接拍時只有25歲，飾演鍾家媳婦「季小由」嘅佢，劇中展開復仇大計，又要同鍾啟燊（馬國明飾）及金木水（吳卓羲飾）糾纏於三角戀。本身呢個角色其實本屬意由當家花旦陳法拉飾演，不過可惜佢因面癱及疲勞過度，需要辭演返美就醫。TVB決定委以重任交由當時仍未卸任嘅四料港姐冠軍朱晨麗「執二攤」頂替。
向來低調、於劇中演老爺嘅劉松仁，其實趁重播之初就已經連發多篇發文，有感慨《名媛望族》係其職業生涯無憾之作，共中一篇更係公開向「小由」朱晨麗道歉，自責未能幫佢提升演技：「其實當年我見到小由，覺得她可索性很高，非常有潛性。對一個新演員第一次的演出有如此成績，已很是不錯！當時我無暇兼顧～未能幫她一把，感到有些可惜和內疚！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|