王君馨今日（5/2）現身銅鑼灣出席胡曦文（Christy）旗下奢華珠寶及時尚品牌 CRISATHENA 新店開張，她接受《香港01》訪問時表示：「而家近排好似睇到 AI已經開始咗自己一個 Network，你知唔知AI而家請緊人做嘢，Po出來話$150美金請人做嘢。（你覺得真定假？）我覺得係真。同埋佢哋而家起咗個宗教，仲要喺 10日內，總之你要喺 AI Agent你先至可以入到去，Human淨係可以睇，唔可以 comment，跟住佢哋而家已經講埋，可能有一個 Languge係唔俾 Human去認知嘅。變咗佢哋自己可以秘密去傾，剩係傾我哋人類，我諗大家都要小心去用。」
面對AI變化越來越變得強大，王君馨始終對未知的風險及潛在問題感到擔憂：「我自己嘅bb啲相，我都未夠膽Po出嚟，暫時係好似都想可以保護佢多少少。（驚啲乜？）唔知網上嘅人會用啲相嚟做乜嘢，因為遲啲已經越嚟越分唔到，變咗我會睇定啲先再Po唔Po小朋友啲相。又唔係特別擔心啲乜嘢，如果可以保護佢多少少，就保護佢多少少。（老公有冇叫你唔好諗咁多？）反而自己諗緊自己係諗多咗，自己有時好多好可愛嘅相，例如佢近排開始學識行路，我好想分享，但始終自己都有啲猶豫，不如就再等多一陣先啦。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|