問到子華何解以歡哥造型派利是，原來日前情人節優先場場，廖子妤、王丹妮、譚旻萱等，都以歡哥造王去謝票，子華直言不可以輸蝕：「本來諗住著底衫出嚟，但見到佢哋咁認真，一定要展現番正宗『旺角歡哥』嘅風采，大家在電影見到的是尖東歡哥，我十八區都有唔同。」
問到邊位扮自己扮得最似，子華就覺得王丹妮造型最扮到，譚旻萱就扮到最惡，導演吳煒倫就覺得廖子妤最認真，兩鬢花白都扮埋，殊不知歡哥一句：「我都冇，我係將白頭髮染黑先。」但都建議日後電影春茗或慶功，可以來一個模仿歡哥大賽。
問到子華將耐冇踏足旺角，子華反指經常來。「我身體流住旺角嘅血，一世都離唔開旺角、深水埗、油麻地，有睇《夜王》就知老尖唔旺佢，下集就嚟旺角。我勸喻全世界得閒就嚟旺角，留港消費。」問到有何方法可以神不知鬼不覺行旺角，子華笑言：「我係笠住棉胎行。我緊係唔會話你知」至於V姐Sammi鄭秀文，子華知道她都忙於飛來飛去做宣傳，所以今日不驚動她。
本文作轉載及備份之用 來源 source: http://www.hk01.com
|
鍾意就快D Share啦！
|
|
|