袁澧林早前率領《電競女孩》團隊張蔓莎、伍詠詩和吳家忻赴鹿特丹出席電影節，袁澧林自爆烏龍王瘀事，旅途失錢欲哭無淚，但贏到深厚友誼，4女孩更有意組新女孩組合出道。
電影《電競女孩》由袁澧林、張蔓莎、伍詠詩、吳家忻和郭爾君主演，透過電子遊戲競賽，帶出年輕女性為追尋理想世界而努力。幾位女孩拍攝前已經認識，合作後變得更熟落，這部戲入圍鹿特丹電影節，2月時她們組隊赴荷蘭宣傳，朝夕相對閨蜜情瞬間升溫。
擺烏龍冇咗幾千蚊
日前袁澧林、張蔓莎、伍詠詩及吳家忻為電影宣傳受訪，戲中袁澧林飾演舊隊長，自覺有領導才能，不過實際原來是大頭蝦，她自揭烏龍事：「我重複訂咗Airbnb（民宿）、船屋，火車票又買多咗幾張，機票買錯要轉日子，我啲錢就係咁冇晒……我只係想大家一齊住吓Amsterdam（阿姆斯特丹）船屋，財散才安樂囉！」其他女生拍掌大讚袁澧林好叻，給予情緒支援，袁澧林則苦笑：「只能忘記就忘記，過咗去唔記得，蝕咗幾千蚊。」袁澧林與張蔓莎並順道去了德國上戲劇班進修演技，有意將電競女孩繼續延伸發展，張蔓莎提議可以組成「哲學女孩」，因為大家都是新獨立女生。
公開擇偶條件
在鹿特丹旅程期間，深情對話的擇偶條件大公開，袁澧林表示擇偶條件超高，希望另一半成熟知性！張蔓莎自認外貌協會，鍾意鼻高高的藝術型男，不排除與外國人拍拖。伍詠詩則說：「反而我會諗要求人哋點，人哋都要求我點，到底想成為點樣嘅人，我就可以吸引番一樣嘅人。」吳家忻表示喜歡聰明、幽默的男生，若靚仔高大就是獎品。而袁澧林調皮地說：「我講反話，唔介意矮過我嘅男仔，就可以吸引高嘅男仔，哈哈！」
今次電影投資預算很少，拍攝頗辛苦，袁澧林說試過連續好多日每日開工近廿個小時：「因為導演編劇服裝美術同攝影好多新人，好多時要摸索碰撞，我哋幾個向心力好強，好鍾意部戲，做咗一樣唔常見嘅嘢，好值得！」又讚服裝造型精緻突出很有電影感，音樂上張蔓莎與另一歌手張天穎就花了一年時間用心創作了6、7首電子音樂，張蔓莎表示在德國也寫了首歌，問可會與袁澧林合唱？袁澧林搞笑說：「我唔出道原因係驚搞冧樂壇，點解英文名叫Angela，因為唱歌太好聽，大家都叫我Angel。」
化妝：Jenny Shih@Mua（袁澧林）；San Chan（張蔓莎）
髮型：John Hui@HUE Salon（吳家忻）；Cooney（伍詠詩）
場地：麥花臣場館
本文作轉載及備份之用 來源 source: http://hk.on.cc
|
鍾意就快D Share啦！
|
|
|
