昨日（17日）單立文的67歲生日，日前他與老婆胡蓓蔚在社交網發布慶生片段，見單立文一臉認真地坐在蛋糕前許願，胡蓓蔚則在鏡頭後輕聲輕氣地為他「洗腦」：「聽晒我話，怕老婆先會發達，知唔知道？」場面相當惹笑。正在拍攝《愛．回家之開心速遞》的單立文，今年也迎來了第10個與劇組共度的生日。由於去年生日驚喜不小心被飾演「童童」的姚焯菲踢爆，搞到大家「不歡而散」，所以今年劇組特別謹慎。
雖然醒目的單立文早料到大家會有心意，但沒想到大家竟然大陣仗地選在TVB員工餐廳，發動全場為他大合唱生日歌，場面震撼之餘也讓單立文顯得有些怕醜。單立文接受無綫《娛樂新聞台》透露，自己剛做完眼睛手術，目前仍在恢復中：「康復嘅路係好漫長嘅，我依家可以慢慢睇清楚晒所有嘢，所以生日願望第一係身體健康。」
胡蓓蔚也特別現身公司陪送老公驚喜：「盈盈尋日text我，問我聽日有冇事做，想喺公司同豹哥食個Birthday Lunch，但唔好同豹哥講，今日佢特登嚟接我。好多謝《愛·回家》嘅家人們。」單立文也感慨說：「十年唔係一個短嘅日子，我哋每日都創造緊TVB嘅歷史，希望一路創作落去，帶多啲愛、健康同幸福畀全世界人。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|