無綫叫好叫座的戀愛真人騷《女神配對計劃》展開新一季《女神配對計劃2》今日在將軍澳電視城展開全球招親記者會，為5位「女神」郭珮文、陳若思、何沛珈、俞可程及阮嘉敏搵「筍盤」，節目主持則繼續由「金牌媒人」林盛斌擔任，又預告會有隱藏女神現身節目「踢館」。
5位女位神以「仙氣」打扮亮相，最有睇頭的要數「大騎樓」郭珮文，低胸連身裙趁機大晒本錢。郭珮文被司儀問到擇偶條件，她希望能遇到真愛，外表上要求高大型格有壞男孩味道，但內心要善良有擔當。司儀笑問伴侶是否要有錢？她笑說：「好呀、好呀。（要月入幾多？）如果要有好條件嘅生活，要月入10萬。」她指心目中理想對象與圈中人相似的要數黃宗澤，對方有壞男孩味道、非常有魅力，合作拍攝時會照顧和關心後輩，開工時經常煲湯給大家喝，相當細心。
拍過5次拖的陳若思指從未參加過相睇，故相當緊張，擇偶要求對方身高要178cm以上讓她有安全感：「唔使好有錢，但係要上進，唔介意AA制，以前有有啲男友都冇錢，都係搵兩三萬。」Bob嘩然：「兩三萬都叫冇錢。」她又自嘲膚淺是「外貌協會」鍾意靚仔、壞男孩類型，又大讚羅子溢靚仔。
何沛珈自言外表斯文但擔心真性情嚇親人：「內在好似住咗個男人咁。」希望對方面上有酒凹，但就算長得像郭富城，但個子太矮小也未能接受，理想的類型好似陳展鵬 、羅子溢的好老公、好爸爸類型，自言並不是要找短暫伴侶，而是要付托終身的男士。愈可程同樣喜歡面上有酒凹好像張智霖的男士，也喜歡劉青雲的鐵漢柔情，若要二揀一會喜歡青雲，因他對太太好好。
34歲在5位女神中年紀最大阮嘉敏則自爆本來有計劃去相睇，今次參與節目則可以有糧出兼認識男仔，喜歡細眼的男士，性格最好既文靜又幽默，又稱對方收入多少並不重要。5位女神分享完擇偶條件後，齊齊發誓力證單身，隨後接受葉蒨文、關嘉敏、李芷晴、羅毓儀等拋花球祝福。
郭珮文與陳若思接受訪問，陳若思自言沒有試過約會，因擔心遇上奇怪的人，她不喜歡對方但黐纏著她，覺得參加節目可以先經過篩選。郭珮文講到喜歡黃宗澤的壞男孩類型，她說：「理想類型啫，對佢只係尊敬，唔會諗佢。」問到兩人同樣喜歡男孩可會出現爭仔？陳若思則笑說：「佢會讓我嘅，我年紀大啲，佢仲有青春。」
身材吸睛的郭珮被不擔心追求者只是喜歡她的身材，認為在認識過程中會互相了解
，若對方只是鍾情她的身材則會落閘。問到可擔心「天然呆」嚇怕追求者？她說：「如果佢驚可能就唔係好適合，如果佢覺得可愛就可能適合。（要求對方月入10萬？）唔係，如果向結婚方向發展，希望共同收入有10萬，可以共同努力去達成呢個目標。」陳若思對於形容前度賺兩三萬也是沒有錢，她則解釋說：「唔係，我嘅擇偶條件，錢方面可以AA制，要自己照顧自己，唔好要我照顧佢，以前啲男朋友都唔係有錢。（唔要富二代？）有錢係優勢，係一個無可否認嘅條件，但唔係我一定揀你嘅原因。（同富三代鍾培生傳過緋聞驚被標籤？）唔驚，人哋都結咗婚，都唔好講咁多喇。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|