藝人施明日前因病離世，兒子李泳漢昨日現身殯儀館為母親打理身後事，提到弟弟李泳豪的太太Agnes會否出席喪禮時，他直言不歡迎對方出席：「由拍拖開始佢冇尊重過我阿媽，連結婚都唔請佢，我阿媽唔承認佢係新抱，佢有咩身份？」
李家鼎前妻施明上月底因肺炎離世，一直跟母親感情要好的大仔李泳漢，連日來為安排身後事頻撲，昨日下午約3時許，他與太太Conny現身沙田寶福紀念館，透露喪禮已搞得七七八八：「今日嚟有啲細節要傾，順便睇吓阿媽。」他坦言心情仍相當沉重，但為了將喪禮辦得好好睇睇，會盡量處理好一切，讓母親可以安息。
弟弟李泳豪當年與台灣女友Agnes結婚，只邀請了父親李家鼎到場見證，未有邀請母親施明與兄長李泳漢出席，加上他在母親入深切治療部時，照樣出席別人的慶祝活動，還公開大鬧兄長不應將家事外揚，最終導致兄弟決裂，李泳豪更表示：「我唔需要聯絡佢。」多年來二人不相往來，完全「斷聯」，現在有不少人揣測他們會否因母親離世而冰釋前嫌。對於李泳豪會否出席喪禮，李泳漢堅決表示：「我一定邀請李泳豪，亦已經邀請咗，佢始終都係阿媽個仔，無論如何都要送阿媽最後一程。」
為保兒子周全 委屈自己
相反提到李泳豪太太Agnes會否一同出席時，李泳漢直指不歡迎對方，只表示：「佢有咩身份？」他續說：「因為佢由拍拖開始，從來都冇尊重過我阿媽，連結婚咁大件事都冇佢，我阿媽冇承認過佢係新抱，死者為大。」
施明在李泳漢心目中永遠是一個好母親，即使不獲邀請出席李泳豪婚禮，最終亦未有說出事實，出發點都是為兒子着想，說到此時他忍不住哽咽：「我阿媽當年選擇唔回應呢件事，原因只有一個，因為講出事實會影響李泳豪嘅名聲，所以佢堅持唔為自己解釋一句，佢真係一個好偉大嘅媽媽，絕對值得尊重。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|