組合草蜢共7場的《Grasshopper Three In Love草蜢演唱會2026》今晚（26日）假紅館開鑼，圈中朋友鼎力應援，杜德偉、張學友、胡楓、任賢齊、林峯、郭富城、張栢芝、張衞健，成龍、楊千嬅夫婦及李嘉欣夫婦等，送上花籃祝開騷成功。而古天樂、林珊珊、蘇永康、楊千嬅和丁子高、袁詠儀、張智霖、李嘉欣夫婦，謝天華、方力申、黎瑞恩及陳煒等，應草蜢呼籲將花籃費捐作慈善用途。
頭場睇騷的圈中人包括有雲浩影、謝天華、陳小春、張智霖、袁詠儀、李嘉欣與老公許晉亨、關之琳、吳卓羲、林曉峰、陳山聰、陳樂瑤和老公葉泓聲、楊證樺、沈可欣、Van@Nowhere Boys及雲浩影等，可謂星光熠熠，觀眾座無虛席。
草蜢演唱會舞台為四面台不規則設計，當中央的巨型LED柱型屏幕升高後，分別身穿閃片金及銀色套裝的三子現身，先跳唱連串經典快歌逾9分鐘，炒熱全場，期間蔡一傑跳唱期間失重心，但未有跌親。
三子先向觀眾問好，蔡一智問觀眾：「你哋有冇我哋咁大聲先，今晚究竟係你哋熱情定我哋熱情。」蘇志威繼說：「我哋跳咗咁耐都氣定神閒，你哋呢？」曾接受開腦手術的蔡一傑開口時，全場起哄，他說：「大家好， 我返咗嚟，我曾經講過好快康復，我守諾言好返就踏上舞台，你哋都要守諾言。」3子又預告首場會唱到好夜，笑言：「明天要返工返學嘅，如果唔得閒就走先啦。」又笑指粉絲健忘，蘇志威自我介紹時謂：「我係隊中最靚仔嘅蘇志威。」蔡一智笑言：「我哋係咪40年都咁靚仔。」蔡一傑就笑謂叫他們靚仔，他很歡迎。
本文作轉載及備份之用 來源 source: http://hk.on.cc
|
鍾意就快D Share啦！
|
|
|