▲施明在生前最後訪問中淚訴泳漢遭「砌生豬肉」毀一生！
- 施明病逝後，李家爆發家庭糾紛
- 施明生前最後訪問談及兩個兒子
- 施明淚訴大兒子李泳漢遭陷害
【施明病逝/李家鼎/李泳豪/李泳漢】施明於3月21日不幸病逝，享年74歲，未料她離世後，李家隨即掀起連串家庭糾紛，前夫李家鼎罕有揭露家醜，指控大孖李泳漢脾氣暴戾、恐嚇母親，直指泳漢才是導致家庭破裂的始作俑者。其實施明一生最掛心的始終是一對孖仔泳漢與李泳豪，她生前最後一個訪問日前出土，就講到視兩子如命根，又淚訴泳漢遭「砌生豬肉」毀一生！
施明病逝︱施明於2022年底意外跌倒導致頭部重創
施明於2022年底在家中意外跌倒導致頭部重創，接受開腦手術後不幸半身不遂，從此失去與外界聯絡的能力，她上月離世後，更引發細孖泳豪指控哥哥泳漢行使監護令，令他一年多未能見病母，隨後李家鼎亦加入兩兄弟的紛爭，直指泳漢才是導致家庭破裂的始作俑者，雙方「戰火」沒完沒了。
施明病逝︱生前最後一個訪問出土
其實施明在2022年中曾接受黃夏蕙前經理人、現任亞視節目總監李文偉（Simon/小肥豬）的YouTube節目《小肥豬周記》專訪，就講到兩個仔都是自己的命根，這次訪問亦成為了她生前最後一個長專訪。
在訪問中，施明以一個母親的身份剖白了多年來裁培兒子的艱辛。談及對孖仔的期望，施明顯得激動，她指當年與李家鼎離婚後，一個人帶著兩個幼子遠走美國：「囝囝初初返嚟香港時候，你知兩個仔係我命根，我放棄好多嘢栽培兩個仔，我對佢哋好大期望，佢鍾意拍戲我俾佢拍戲，佢去讀書我跟佢去讀書，邊個唔錫仔女，貓貓狗狗都錫佢啲仔女，何況我栽培到讀完大學返嚟。」
最新影片推介:
施明病逝︱未能釋懷大孖遭「砌生豬肉」：害死佢一世！
本來加入娛樂圈並非壞事，但最令施明不能釋懷的，是兒子回港後疑遭傳媒陷害。施明雖未有說明是那一件事，但據她說「拿花」、「飯盒」等關鍵字，讓人聯想到是當年大孖泳漢指鍾欣潼（阿嬌）是他前世妻子一事，當年泳漢被拍到拿著玫瑰花在阿嬌寓所樓下等候，因而被塑造成「癡情男」，甚至被嘲笑。
施明在訪問中直指整件事是被人「夾硬砌」，她激動地說：「我係做錯咗啲嘢，因為佢哋接受訪問我冇跟喺旁邊，有啲人用唔好嘅手法去訪問，成件事係屈、係『砌生豬肉』！我個仔去到現場，擺低飯盒、擺低紮花，夾硬要話呢件事發生。我個仔打俾我，講呢件事發生緊，我叫佢俾個電話我同個記者講。」她坦言曾跟相關記者在電話交涉，卻換來冷嘲熱諷：「講咗一輪，佢問我：『你依家求我呀？』佢話：『你求我都冇用，我依家要點做就點做。』我話你咁樣係害死佢一世！我叫阿仔即刻走，但影咗相，叫佢走都冇用啦...唔好咁樣啦。」
施明病逝︱帶兩子到美國生活遇黑幫追殺
問到為何不站出來澄清？施明無奈表示：「我點澄清呀？」並指自己沒有什麼後台，繼而憶述自己一個帶兩子到美國生活的驚險事：「我去美國都係帶住兩個仔四圍走，我冇咩background，冇人幫我，喺美國我俾黑社會追殺我兩個仔，我四圍搬屋去避。返到嚟香港我估唔到呢啲事會發生，你打爛佢飯碗冇緊要，佢可以轉行，但你毀壞佢名譽，尤其呢一行，名譽好緊要，佢邊度都唔使撈，何況，呢件事人好多知明屈明砌，你哋都知呢件事，但點解佢做選舉時又攞返呢件事嚟打擊佢，係咪想行行都冇得俾佢撈，係咪想餓死佢成家人？」
施明愈講愈勞氣，要深呼吸一口氣，更激動得一度講不出說話，眼淚在眼眶打轉。主持人見狀連忙打圓場，大讚她是一個偉大的母親，施明忍不住心痛地說：「你咁樣糟蹋我個仔，直至最近仲有人翻起呢件事嚟講，好多事我係過去咗，唔係一個仔，係兩個仔都係咁樣。你哋未接受過我訪問，唔好咁樣，唔好架。」
施明病逝︱揭露遺願：做人積多啲福報
不過施明指自己已經學會放下，並寄語外界能給予空間。在訪問的尾聲，主持人問如果生命有限期，還有什麼未完成的心願。當時身體健康的施明表明：「生命一定有限期，我想做人積多啲福報，希望留啲俾自己，有一個好晚年，可以安享晚年。呢啲福報可以令我屋企好和睦、好健康、好富裕，亦可以將呢啲福報帶去俾我啲孫兒，教佢哋點積福行善。」
相關內容：
施明病逝｜喪禮前夕鼎爺終爆大仔暴力真相 李泳漢怒轟：為咗泳豪個女人抹黑我
施明病逝︱細仔李泳豪發訃聞交代亡母喪禮安排 親證獲胞兄准許出席拒談太太會否現身
施明病逝｜一家獨佔施明千萬豪宅指責泳豪索300萬分身家 李泳漢遭前鄰居爆料3宗罪
🔔參加「BB第一次珍貴時刻」攝影比賽贏迪士尼飛+TOPick開屏廣告位！【點擊參加】🔔
Follow TOPick Whatsapp頻道🔔，唔會錯過熱門話題!【點擊Follow】
免費成為TOPick會員，隨時參加有獎遊戲、好物試用、會員專享活動! 立即下載HKET APP︰https://onelink.to/f92q4m
TOPick會員迎新大招募，免費做新會員送精美禮品!【立即參加】
|
鍾意就快D Share啦！
|
|
|